Driver, pahinante, 91 pa todas, 1 sugatan (Truck nawalan ng kontrol sa Southern Leyte)

BINAWIAN ng buhay ang isang driver at ang kanyang pahinante nitong Lunes ng hatinggabi, 5 Setyrembre, nang mawalan ng kontrol ang minamanehong truck sa kahabaan ng national highway sa bahagi ng Brgy. Katipunan, bayan ng Silago, lalawigan ng Southern Leyte.

        Bukod sa driver at pahinante, namatay din ang 91 baboy na ihahatid sa Tacloban mula sa Zamboanga del Sur.

Kinilala ni P/Lt. Joseph Tiauzon, hepe ng Silago Police Station, ang mga namatay na sina Romualdo Nebria, driver ng truck; at Junjun Berdida, pahinante.

Samantala, sugatan ang isa pang pahinanteng kinilalang si Shedrick Dave Arro at kasalukuyang nagpapagaling sa pagamutan.

Ani Tiauzon, may karga ang truck na 120 buhay na baboy mula sa Zamboanga Del Sur patungong lungsod ng Tacloban nang maganap ang insidente.

Ayon sa imbestigador ng kasong si Pat. John Rey Raquel, bumangga sa malaking bato ang truck sa national highway nang mabigo si Nebria na imaniobra ang sasakyan sa pakurbang bahagi ng kalsada,