Tuesday , March 19 2024

Vendor na tirador ng cellphone ng kapitbahay nasakote

SWAK sa kulungan ang isang vendor matapos pasukin at pagnakawan ang bahay ng kapitbahay na tricycle driver sa Malabon City, kamakalawa ng gabi.

Kinilala ni Malabon City chief of police (COP) Col. Albert Barot ang naarestong suspek na si Rommel Pomeda, 25 anyos, residente sa Gulayan, Brgy. Catmon ng nabanggit na lungsod.

Batay sa pinagsamang ulat nina P/SSgts. Mardelio Osting at Diego Ngippol, dakong 11:15 pm, nang pasukin ng suspek ang bahay ng kalugar at  biktimang si Edwin Aparri, 52 anyos.

Salaysay ng biktima, natutulog sila ng kanyang pamilya sa ikalawang  palapag ng kanilang bahay, matatagpuan sa Gulayan, Brgy. Catmon.

Agad niyang napansin ang pagpasok ng isang tao sa kanilang kuwarto.

Pinagmasdan muna ng biktima ang ‘kawatan’ at nang magkaroon ng pagkakataon ay sinunggaban niya ngunit nanlaban ang suspek at tumakbo para tumakas.

Hinabol ng biktima ang suspek at sa tulong ng bystanders ay napigilan si Pomeda saka humingi ng tulong si Aparri sa mga barangay tanod.

Agad naaresto ang suspek na Pomeda na nakuhaan ng dalawang cellphones na pag-aari ng biktimang si Aparri. (ROMMEL SALES)

About Hataw Tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *