Saturday , September 18 2021

Live-in partners huli sa buy bust (Sa P.2-M shabu)

ARESTADO ang notoryus na live-in partners, kasabwat ang isa pa, makaraang makuhaan ng halos P.2 milyon halaga ng hinihinalang shabu sa isinagawang buy bust operation ng pulisya sa Malabon City, kamakalawa ng gabi.

Kinilala ni Malabon City chief of police (COP) Col. Albert Barot ang naarestong mga suspek na sina Allan Ruthirakul, 49 anyos, at Irene Flores, 42 anyos, kapwa  residente sa Esguerra St., Bisig ng Kabataan, Brgy. 2, Caloocan City, at Jonathan Soriano, alyas Atan, 31 anyos ng Tulay 9, Brgy. Daang Hari, Navotas City.

Ayon kay P/SSgt. Jerry Basungit,  may hawak ng kaso, dakong 11:00 pm nang magsagawa ang mga operatiba ng Station Drug Enforcement Unit (SDEU) ng buy bust operations sa P. Aquino Ave., Brgy. Tonsuya.

Agad inaresto ng mga operatiba ang mga suspek matapos bentahan ng isang plastic sachet ng hinihinalang shabu ang isang pulis na nagpanggap na poseur-buyer kapalit ng P500 marked money.

Nakompiska sa mga suspek ang humigi’t kumulang sa 27 grams ng hinihinalang shabu, may standard drug price P183,600 at buy bust money.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (ROMMEL SALES)

About Hataw Tabloid

Check Also

Michael Yang, Pharmally, DOH, PS-DBM,

‘Taya’ ni Yang sa Pharmally ‘pitik’ sa P42-B pandemic funds ng DOH

AALAMIN ng mga senador kung ang P7-B ipinautang umano ni dating presidential economic adviser Michael …

Leave a Reply

Your email address will not be published. Required fields are marked *