Saturday , July 31 2021
Breaking News
You are here: Home / News / Kapit lang — Gov. fernando (Sa mga Bulakenyong magsasaka at mangingisda)
Kapit lang — Gov. fernando (Sa mga Bulakenyong magsasaka at mangingisda)

Kapit lang — Gov. fernando (Sa mga Bulakenyong magsasaka at mangingisda)

“ANG tagal na ho ng pandemya at salamat dahil ngayon kahit paano, puwede na tayong mag­kaharap para mas mag­kaintindihan tayo sa ating mga pangangailangan. Bumababa na po ang kaso ng CoVid-19 sa atin, marami na rin ang naba­bakunahan. Salamat sa inyo. Kapit lang po tayo, proud po ako sa inyo dahil alam kong kabilang kayo sa mga dahilan nito, dahil nakikiisa kayo sa ating layunin na unti-unti, malampasan ang problemang ito.”

Ito ang mensahe ni Gob. Daniel Fernando habang pinatataas ang moral ng mga Bulakenyong mag­sasaka at mangi­ngisda na dumalo sa “Kumusta ka? Magsasaka at Mangingis­dang Bula­kenyo: Kumusta­han at Talakayan sa Pagsasaka at Pangis­daan”, nitong Huwebes ng umaga, 15 Hulyo, sa Bulacan Capitol Gymnasium, sa lungsod ng Malolos.

Ibinahagi rin ng gobernador ang mga plano ng pamahalaang panla­lawigan sa pagsasaka kabilang ang pagtatayo ng Bulacan Farmers Training School at Bulacan Provincial Farmers Productivity Center.

“Pinag-uusapan din po namin ni Gigi na paramihin ang African Nightcrawler na maganda po para sa mga pananim, at ‘yung seedlings ng mga fruit bearing. Since marami na rin ang nakadi-discover sa DRT, marami nang nagpupuntang turista, we are also planning na i-develop talaga na eco-tourism site,” ani Fernando.

Tinalakay din sa nasabing aktibidad ang pagbabakuna kontra CoVid-19; presentasyon ng Registry System for Basic Sector in Agriculture; Fisherfolk Registry System; Farmer Cooperatives and Associations Accreditation Requirements; at Requirements for PhilMech and DA Regular Mechanization.

Gayondin, sinabi ni Noel Mauricio, pangulo ng Municipal Agricultural and Fishery Council ng Pulilan, mahalaga sa kanila ang nasabing simple at mabilis na pagtitipon.

“Itong panahon ng CoVid talagang hindi po kami nagkikita ng mga kapwa ko magsasaka, hindi kami nagkaka­balitaan. Ngayon, marami kaming nalaman na mga programa tungkol sa agrikultura at talagang nakararating sa amin. Itong mga ito ay para bang nakagagaan ng buhay para sa aming mga mag­sasaka,” ani Mauricio.

Sa programa, nama­hagi rin ang Provincial Agriculture Office ng grocery packs at cash raffle para sa mga dumalo.

Bilang konsiderasyon sa alituntunin ng IATF hinggil sa bilang ng mga dadalo sa isang lugar, apat na araw  gaganapin ang Kumustahan na sinimulan noong 13 Hulyo at itutuloy hanggang Agosto hanggang makaharap ang lahat ng 1,600 na mga magsasaka at mangingis­da sa lalawigan.

 (MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top