Saturday , September 18 2021

Jeepney driver binoga sa ulo ng tandem todas

AGAD binawian ng buhay ang isang jeepney driver makaraang malapitang barilin sa ulo ng riding-in-tandem sa Barangay Gulod, Novaliches, Quezon City, nitong Linggo ng madaling araw.

Ang biktima ay kinilalang si Jessie Medina Rivera, Jr., 40 anyos, may live-in partner, jeepney driver, at residente sa San Luis St., Barangay Gulod, Novaliches Quezon City.

Sa report ng Criminal Investigation and Detection Unit ng Quezon City Police District (CIDU-QCPD), dakong 4:50 am, kahapon, 11 Hulyo, nang maganap ang pamamaril sa kahabaan ng Quirino Highway kanto ng  Villareal St.,  Barangay Gulod, Novaliches, sa lungsod.

Batay sa imbestigasyon ni Pat. Nestor V. Ariz, Jr., sinabi umano ng testigong kinilalang si Feliciano, nagpaparada siya ng sasakyan nang makarinig ng putok ng baril at nang kaniyang usisain ay nakita niya ang nakabulagtang duguang katawan ng biktima.

Kasabay nito, nakita umano ni Feliciano ang dalawang lalaki na magkaangkas sa motorsiklo na walang plaka, nakasuot ng facemask at sporty cap na armado ng baril, ang mabilis na tumakas.

Natagpuan ng Scene of the Crime Office (SOCO) operatives sa pamumuno ni P/Lt. Reynold Tabada ang  isang piraso ng motorcycle kneepad protective gear at  isang PUJ, may plakang PWY 938.

Masusing iniimbestigahan ng mga awtoridad ang motibo sa naganap na krimen.

(ALMAR DANGUILAN)

About Almar Danguilan

Check Also

Michael Yang, Pharmally, DOH, PS-DBM,

‘Taya’ ni Yang sa Pharmally ‘pitik’ sa P42-B pandemic funds ng DOH

AALAMIN ng mga senador kung ang P7-B ipinautang umano ni dating presidential economic adviser Michael …

Leave a Reply

Your email address will not be published. Required fields are marked *