Julia nagmalaki kay Dennis

MA at PA
ni Rommel Placente

NAPANSIN ng mga netizen ang post ni Julia Barretto noong nakaraan Father’s Day sa kanyang social media account na hindi binati ang amang si Dennis Padilla.

Bilang pag-alala kasi sa okasyong ito ay nag-post siya ng larawan kasama ang kanyang yumaong Lolo Miguel. Ang isang larawan naman ay kasama niya si Ian Veneracion na gumanap na daddy niya sa seryeng A Love To Last noong 2017.

Nagtanong siyempre ang mga netizen kung bakit wala sa post ang larawan na kasama niya ang tunay na ama na si Dennis. Kahit sana anuman ang galit niya rito ay tatay pa rin niya ito.

Sabi ng isang netizen, ”Then Julia is wondering bakit dami nya bashers. Minsan tignan mo din sarili mo. Tatay mo yan julia. Tatay mo. Bakit nagmamalaki ka? Kung wala siya wala ka sa mundong ito Di mo mkikilala si Gerald na mahal na mahal mo. Bottomline maging thankful ka pa din sa tatay mo. Ayaw mo sa haters eh ikaw mismo hater ng sarili mong tatay. Wake up!”

May netizen din namang nagtanggol sa aktres. Komento niya, ”We should not just comment like that. We do not know the real story. We don’t even know what really happened to their father.”