Friday , June 25 2021
Breaking News
You are here: Home / Showbiz / Kapatid ni Miss Universe Myanmar Thuzar Wint Lwin pinaaaresto rin
Kapatid ni Miss Universe Myanmar Thuzar Wint Lwin pinaaaresto rin

Kapatid ni Miss Universe Myanmar Thuzar Wint Lwin pinaaaresto rin

ISA na ring fugitive si Miss Universe Myanmar Thuzar Wint Lwin, na tumakas mula sa Myanmar para makasali sa 69th Miss Universe.

Ginamit niya itong plataporma para mailantad sa buong mundo ang mga pang-aabuso ng militar sa Myanmar.

Si Thuzar ang nanalo sa Best in National Costume competition ng Miss Universe dahil sa kanyang “Pray for Myanmar” costume.

Nakatulong ito para lalong lumakas ang panawagang tulungan ang mamamayan ng Myanmar na muling makamit ang pinakaaasam na demokrasya.

May warrant of arrest na rin ang military junta para kay Thuzar kaya hindi pa ito maaaring bumalik sa kanyang bansa.

Samantala, ayon sa katoto sa panulat na si Jojo Gabinete ng PEP entertainment website, may kapatid si Thuzar na sikat na singer-actress sa Myanmar, ang 30-year-old na si May Thu Aung na nagtatago dahil ipinaaaresto na rin  ng military junta.

Kabilang si May sa mga artista sa Maynmar na lantarang kinondena ang coup d’etat at umanib sa We Want Justice, ang three-finger salute movement na inilunsad sa social media.

Naglabas ng arrest warrant laban kay May noong April 4, 2021 dahil sa kanyang pagsasalita laban sa military coup na labag umano sa Section 505 ng penal code ng State Administration Council.

Idinagdag din ni katotong Jojo na may isa pang showbiz idol na posibleng biktima ng Myanmar regime: si Paing Takhon, 24-year-old Burmese model-actor na aktibo sa anti-coup protests sa Myanmar at miyembro rin ng three-finger salute movement.

Dinakip si Paing ng mga militar sa tahanan ng mga magulang niya noong April 8, 2021.

Mula noon, wala nang balita tungkol sa aktor na sikat din sa ibang mga bansa sa Southeast Asia.

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top