Sunday , June 20 2021
Breaking News
You are here: Home / News / Guagua’s most wanted inaresto sa selda (Nasa hoyo na, ikukulong pa)
Guagua’s most wanted inaresto sa selda (Nasa hoyo na, ikukulong pa)

Guagua’s most wanted inaresto sa selda (Nasa hoyo na, ikukulong pa)

TILA dagok at magiging miserable ang katayuan ng isang bilanggo na nabatid na pinaghahanap ng batas nang arestohin ng mga awtoridad nang matunton sa kasalukuyang seldang kinapiitan niya sa Bureau of Jail Management and Penology (BJMP) nitong Martes, 18 Mayo sa Brgy. San Matias, bayan ng Guagua, lalawigan ng Pampanga.
 
Kinilala ni P/Col. Arnold Thomas Ibay, provincial director ng Pampanga PPO, ang suspek na si Randy Santos, 35 anyos, may asawa, itinuturing na most wanted ng Guagua, kasalukuyang naninirahan sa Brgy. Pulungmasle, sa naturang bayan, at nakapiit sa BJMP custodial facility dito.
 
Base sa report, makaraang makompirma ang kinalalagyan ni Santos, nagsagawa ng manhunt operation ang mga kagawad ng Guagua Municipal Police Station, 1st PMFC PIU PIDMB Pampanga PPO, 302nd RMFB3, at isinilbi ang warrant of arrest laban sa suspek sa kasong rape na nilagdaan ni Presiding Judge Meredith Delos Santos-Malig, ng Guagua Regional Trial Court Branch 51. Walang inirekomendang piyansa sa pansamantalang paglaya ng suspek. (RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top