Tuesday , June 15 2021
Breaking News
You are here: Home / Showbiz / Pantene Palanca active sa pagbebenta ng mamahaling sasakyan
Pantene Palanca active sa pagbebenta ng mamahaling sasakyan

Pantene Palanca active sa pagbebenta ng mamahaling sasakyan

REMEMBER the name Pantene Palanca? No!

Kasi, sumikat siya kasama ang iba pang sexy talents na gaya niya bilang isang grupo. At nakilala talaga ang grupo nila hanggang naging kontrobersiyal pa.

Singer at dancer si Pantene ng grupong Baywalk Bodies ni Lito de Guzman. Nagkaroon din sila ng album. At dumating sa puntong kaliwa’t kanan ang mga proyekto.

Fast forward sa panahon ng pandemya. Nganga lahat.

Si Pantene, nakahanap naman ng pwede niyang pagkakitaan. Sa rami na rin kasi ng pinagdaanang challenges sa buhay, aminado naman siya na kailangan niyang tanggapin na sa pinasok niyang mundo, hindi ito sigurado.

Hindi nakagugulat na personal na tumatawag si Pantene sa kanyang mga kaibigan at kakilala sa panahong ito. Halos lahat naman may ibinibenta.

Sa kanya, hindi pagkain, hindi mga pampaganda, hindi mga gamit na personal o para sa bahay. Ano? Sasakyan!

Sa kompanyang pinasukan niya, ang ibinebenta ng kanilang kompanya ay ang Mini Cooper. At may iba pang mga mamahaling brand na on sale rin.

“Kailangang mabuhay. Wala ring travels pa abroad para mag-show.”

Madalas noon na mag-tour sa Japan si Pantene. Pati na sa Dubai. Pero ngayon nga, kailangan pa rin niyang mag-ipon.

Kaya kahit pa may mga hindi na magagandang nangyari noon sa buhay niya, na naging kontrobersiyal din, naging biktima ng mga nanloko, taas-noo pa rin ang Pantene na maganda pa rin na magsikap sa panahon ng pandemya.

Kung may kakilala kayo na mangangailangan ng sasakyan sa panahon ngayon sa bagsak presyong halaga, bisitahin ang kanyang FB page. Roon makikita ang kanilang showroom sa sari-saring klase ng mga sasakyan.

Mananatiling nagbibigay ng magagandang alala kay Pantene at mga kasama ang Baywalk.

They could ride into the sunset with their new cars!

HARD TALK!
ni Pilar Mateo

About Pilar Mateo

Leave a Reply

Your email address will not be published. Required fields are marked *

*

Scroll To Top