Wednesday , June 16 2021
Breaking News
You are here: Home / Showbiz / Jolens, Melai, at Karla maghahasik ng katatawanan 
Jolens, Melai, at Karla maghahasik ng katatawanan 

Jolens, Melai, at Karla maghahasik ng katatawanan 

LIMANG taon mula nang maghasik ng kasiyahan, katatawanan, at inspirasyon tuwing umaga sa Magandang Buhay sina Jolina Magdangal-Escueta, Melai Cantiveros, at Karla Estrada. At ngayon ay sa pelikula naman sila magsasama at ano nga bang mangyayari kung sila ay magkapalit-palit ng pagkatao?

Sa pelikulang Momshies! Ang Soul Mo’y Akin! iikot ang kuwento sa tatlong momshies na sina Jolene (Jolina), Mylene (Melai), at Karlene (Karla) na mababago ang buhay nang magkapalit ang kanilang mga kaluluwa at katawan. Dahil dito, kailangan nilang mamuhay na magkakasama sa kabila ng mga personal nilang misyon sa buhay.

Mula sa produksiyon ng Star Cinema at Keep Filming, ang Momshies! Ang Soul Mo’y Akin ay idinirehe ni Easy Ferrer, ito ang kauna-unahan niyang proyekto ABS-CBN Films bilang director. Dating assistant director siya sa mga pelikulang Between Maybes, The Ghost BrideBloody Crayons, at The Third Party kaya hindi na bago si direk Easy sa bakuran ng Star Cinema.

Habang ang ating mga sariling momshie ay patuloy na naaaliw sa bardagulan nina Jolina, Melai, at Karla sa telebisyon tuwing umaga, pagkakataon na rin para i-level up ito sa pamamagitan ng pag-treat sa kanila ngayong Buwan ng Mga Ina sa Family Comedy Event ng Bagong Dekada, kasama ang mga popshie, mga anakshie, mga auntshie, at mga grandshie sa ating mga tahanan.

Simula ngayong Mayo 28, 2021, mapapanood ang Momshies! Ang Soul Mo’y Akin sa KTX.ph at iWant TFC.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top