Wednesday , June 16 2021
Breaking News
You are here: Home / News / Sa arrest order ni Duterte vs protocol violators, piitan magiging punuan
Sa arrest order ni Duterte vs protocol violators, piitan magiging punuan

Sa arrest order ni Duterte vs protocol violators, piitan magiging punuan

INIHAYAG ni Department of the Interior and Local Government (DILG) Undersecretary at Spokesperson Jonathan Malaya, posibleng mapuno agad ang mga piitan sa paiigtinging pag-aresto sa mga lalabag sa ipinatutupad na health protocols ng pamahalaan.
 
Ito ay kaugnay sa kautusan ni Pangulong Rodrigo Duterte nitong Miyerkoles sa mga tauhan ng Phillipine National Police (PNP) na ikulong at imbestigahan ang mga taong hindi nagsusuot o hindi maayos ang pagkakasuot ng facemasks sa mga pampublikong lugar.
 
Ayon kay Malaya, sa kautusan ng Pangulo ay kakailanganin rin nilang iprepara ang mga piitan dahil posible aniyang mas maraming tao ang makulong ngayon kompara sa dati.
 
Aniya, sa tulong ng local government units (LGUs) at PNP, bubuo sila ng mga guidelines upang matiyak na magiging ligtas at episyente ang implementasyon ng direktiba ng Pangulo at hindi magagamit sa pang-aabuso.
 
Pagtutugmain umano ng DILG ang mga ordinansang ipinasa ng LGUs at sa direktiba ni Duterte ay aalamin nila sa PNP ang parameters at kung paano ito maitutugma sa mga ordinansang dati nang ipinaiiral ng mga LGUs.
 
Sinabi ni Malaya, sa ngayon ay iba-iba ang mga parusa na ipinaiiral ng bawat lokal na pamahalaan laban sa mga lumalabag sa mga ordinansa hinggil sa hindi pagsusuot ng facemask sa public places.
 
Inaaresto aniya ang mga ordinance violators na kapag pumalag at sumuway sa mga pulis ay aarestohin.
 
Gayonman, dahil aniya sa kautusan ng Pangulo ay maaaring kailangan nilang magsagawa ng recalibration at mga kaukulang paghahanda. (ALMAR DANGUILAN)

 

About Almar Danguilan

Leave a Reply

Your email address will not be published. Required fields are marked *

*

Scroll To Top