Friday , May 14 2021
Breaking News
You are here: Home / News / Bangladeshi national itinumba sa RTW stall
Bangladeshi national itinumba sa RTW stall

Bangladeshi national itinumba sa RTW stall

BINARIL at napatay ang isang Bangladeshi national ng isang hindi kilalang suspek sa loob ng mall sa Pasay City, kahapon.

Binawian ng buhay nang idating sa San Juan De Dios Hospital ang biktima na kinilalang si Abu Taher, 52 anyos, may asawa, negosyante, residente sa Apollo 10, Barangay 188, Zone 20, San Gregorio Village, Pasay City, sanhi ng mga tama ng bala sa iba’t ibang bahagi ng katawan.

Base sa inisyal na ulat ni Pasay City Police chief, P/Col. Cesar Paday-os, nangyari ang pamamaril sa dayuhang biktima sa loob ng Baclaran Terminal 1 Complex, LRTA 1 Shopping Mall, Taft Avenue Extension, sa nasabing lungsod, dakong 11:00 am kahapon, Huwebes, 25 Marso.

Sa pagsisiyasat nabatid na ang biktima ay kasalukuyang nasa kanyang RTW stall nang biglang sumulpot ang suspek na agad siyang pinagbabaril.

Nang makitang duguang bumulagta ang biktima dali-daling tumakas ang suspek.

Kaagad na dinala ang biktima sa nabanggit na ospital ngunit binawian ng buhay kalaunan, dakong 12:45 pm.

Patuloy ang isina­sagawang imbestigasyon ng mga awtoridad.

(JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top