Friday , May 14 2021
Breaking News
You are here: Home / Hataw Lifestyle / Maayos na pagpapatupad ng DepEd Computerization Program tiyakin — Gatchalian
Maayos na pagpapatupad ng DepEd Computerization Program tiyakin — Gatchalian

Maayos na pagpapatupad ng DepEd Computerization Program tiyakin — Gatchalian

KAHIT ilang ulit nang ipinagkaloob ng Bureau of Customs (BoC) sa Department of Education (DepEd) ang mga kinom-piskang gadgets upang makatulong sa distance learning, hinimok ni Senador Win Gatchalian ang kagawaran na tiyakin ang mabilis at maayos na pagpapatupad ng sarili nitong computerization program.

Layon ng DepEd Computerization Program (DCP) na maglagay ng mga angkop at kinakailangang tekno­lohiya para mapunan ang kakulangan ng mga computer sa mga pam-publikong paaralan.

Ito ay upang mapa-husay ang proseso ng pag-aaral at pagtuturo.

Sa ilalim ng pro-grama, dapat magkaroon ng computer laboratory packages sa bawat high school, e-classroom sa bawat elementary school, at laptop sa mobile teachers.

Sa ilalim ng 2021 national budget, may halos anim na bilyong (P5.9) pisong nakalaan para sa DCP. Ngunit may ilang mga hamong kina-kaharap ang pagpapa-tupad ng programa na ayon kay Gatchalian ay dapat tugunan ng DepEd.

Ayon sa Commission on Audit (COA), halos animnapung (59.43) porsiyento lamang ang naabot ng programa sa target nito mula 2015 hanggang 2019. Ibig sabihin, mahigit walong libo (8,523) lamang sa mahigit labing-apat na libong (14,342) target na paaralan ang naka­tanggap ng information and communications technology (ICT) pack-ages.

Ayon sa COA, ma-higit tatlong bilyong (P3.2) piso ang ibinayad sa ilang suppliers noong 2019 kahit may kulang pa sa documentary require-ments. Batay sa inspek-siyon ng komisyon, may ibang mga paaralang hindi pa handang makatanggap ng ICT packages. (N. ACLAN)

About Niño Aclan

Leave a Reply

Your email address will not be published. Required fields are marked *

*

Scroll To Top