Tuesday , May 18 2021
Breaking News
You are here: Home / News / Cyber attack sa gov’t website, yabang lang — NBI
Cyber attack sa gov’t website, yabang lang — NBI

Cyber attack sa gov’t website, yabang lang — NBI

PAGYAYABANG lang ang pangunahing motibo ng cyber attack kaya’t kailangan busisiin mabuti kung may katotohanan na nakagawa ng malaking danyos sa government website ang pag-atake ng Cyber PH for Human Rights kamakalawa sa GOV.PH website.

Inilunsad kamaka­lawa sa kauna-unahang pagkakataon ang cyberattack laban sa GOV.PH bilang protesta sa pagpatay ng mga pulis sa siyam na aktibista noong Linggo na tinaguriang Calabarzon Massacre.

Tinawag ni National Bureau of Investigation (NBI) Cybercrime Division chief Victor Lorenzo ang cyber attack bilang simpleng hacktivism o illegal na pagpasok sa isang computer system para isulong ang political o social issues.

Nakikipagtulungan aniya ang NBI sa Department of Information and Communications Technology (DICT) upang matukoy ang mga nasa likod ng Cyber PH for Human Rights.

Kompiyansa aniya ang NBI na madarakip ang mga salarin gaya ng nangyari noong 2010 na isang notorious hacker na responsable sa malawakang pag-atake sa government websites ang nadakip nila.

Naulit ang cyber attack umano noong 2020 ngunit minomonitor pa rin nila hanggang ngayon ang mga aktibidad ng mga gumawa nito.

“The DICT is doing the proper attribution right now. And if you will remember, Trish, in 2010 there were massive attacks on government websites and we addressed these by arresting very notorious hacker at that time, kaya nag-subside iyong attacks before sa government website; and this is going to be our approach also. May mga previous attacks in 2020 and we have been monitoring their activities. We are confident na maa-address namin iyong isyu and we could identify those people behind these attacks,” ani Lorenzo sa Palace virtual Palace briefing kahapon.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top