Monday , May 10 2021
Breaking News
You are here: Home / News / Technician inatake sa puso habang nasa motorsiklo
Technician inatake sa puso habang nasa motorsiklo

Technician inatake sa puso habang nasa motorsiklo

PATAY  ang isang 42-anyos technician nang atakehin sa puso habang nagmamaneho ng motorsiklo sa Malabon City, kamakalawa ng gabi.

Idineklarang  dead on arrival sa Ospital ng Malabon (OsMa) ang biktimang si Richlee Mangali ng Block 6 Lot 11 Tahiti St., Crystal Places, Malagasang II-C, Imus, Cavite.

Ayon kay Malabon Police Vehicular Traffic Investigation Unit chief P/Capt. Andres Victoriano, dakong 8:34 pm nang maganap ang insidente sa kahabaan ng C-4 Road patungong Navotas City.

Minamaneho ng biktima ang isang Honda Beat motorcycle (CC-27646) ngunit pagdating sa kanto ng Leoño St., Brgy. Tañong ay nawalan ng kontrol sa manibela na naging dahilan upang dumulas.

Isinugod ng nagrespondeng rescue team ng Brgy. Tañong ang biktima sa nasabing pagamutan ngunit idineklarang patay dakong 10:35 pm ng attending physician dahil sa heart attack. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top