Sunday , May 16 2021
Breaking News
You are here: Home / Sports / Pilipinas Golf magbabalik sa Eagle Ridge
Pilipinas Golf magbabalik sa Eagle Ridge

Pilipinas Golf magbabalik sa Eagle Ridge

GENERAL TRIAS, CAVITE — Sa kabila ng pananatili ng bansa sa general community quarantine sa kautusan ng Malacañang, magbabalik ang Pilipinas Golf Tournaments Incorporated (PGTI) sa isang two-stage tourney para sa Philippine Golf Tour at Ladies PGT sa susunod na buwan sa Eagle Ridge Golf and Country Club sa General Trias, Cavite.

Ayon kay Colo Ventosa, general manager ng nag-organisang PGTI, binalangkas na nila ang two-stage tournament para pangunahan ang 2021 season matapos maging matagumpay ang kanilang restart sa gitna ng pandemya sa nakalipas na taon.

Gayon man, sinabi ni Ventosa na ukol sa umiiral na mga quarantine restriction at minimum health safety protocol na ipinapatupad ng pamahalaan, isasagawa pa rin ang torneo na ang pangunahing polisiya ay kaligtasan at kalusugan ng lahat ng mga player at kawani na kalahok sa isasagawang sports event.

Idinagdag ni Ventosa na pinili ng PGTI ang Eagle Ridge sa Cavite dahil ito ang tinuturing na pinakamalaking golfing facility sa bansa na may apat na championship course. Bukod dito, nagdesisyon din ang golf and country club na itanghal ang 9-12 Marso leg ng PGTI, na binansagang ICTSI Eagle Ridge Challenge at maging ang 23-26 Marso stop na pinangalanan ng ICTSI Eagle Ridge Championship.

Sa ngayon ay isinasaayos pareho ang Aoki at Norman layout ng Eagle Ridge para sa nalalapit na kampeonato sa golf.

Inulit ni Ventosa tulad ng dalawang torneo sa Riviera Golf Club sa Silang, Cavite na itinanghal sa isang bubble environment nitong nakaraang taon, tiniyak ng PGTI na mausunod ang mga health protocol sa pagsasagawa ng kambal na kompetisyon, na gaganapin makaraan ang tatlong buwang bakasyon.

“As much as we wanted to provide opportunities for our pros, we have to ensure that it will be safe and responsible to resume our tour,” punto nito.

Napanalunan nina Tony Lascuña at Ira Alido ang unang dalawang leg ng PGT restart sa Riviera habang sina Princess Superal at Pauline del Rosario ang nagwagi sa ladies legs.

(Tracy Cabrera)

About Tracy Cabrera

Leave a Reply

Your email address will not be published. Required fields are marked *

*

Scroll To Top