Tuesday , May 18 2021
Breaking News
You are here: Home / News / Napikon sa inoman nanaksak ng katagay
Napikon sa inoman nanaksak ng katagay

Napikon sa inoman nanaksak ng katagay

BUMAGSAK sa piitan ang 49-anyos construction worker matapos saksakin ang kainuman nang mapikon sa tuksuhan, sa Barangay Sucat, Muntinlupa City, kamakalawa.

Patuloy na inoobserbahan sa Ospital ng Muntinlupa ang biktimang si Jaime Murillo, 42 anyos, ng South Daanghari, Taguig City habang nakapiit sa Sucat Police Sub-Station ang suspek na si Marcelo Gwanon, ng Avocado St,. Purok 6, Tramo Heights, Brgy. Sucat.

Ayon sa ulat ng Muntinlupa City Police, dakong 12:15 pm nitong 21 Pebrero nang mangyari ang pananaksak sa nasabing lugar.

Sa ulat, ang dalawa ay nag-iinuman at habang nagkukuwentuhan ay naasar umano ang suspek nang siya na ang patamaan ng biktima ng panunukso.

Nang mapuna ng biktimang si Murillo na galit na ang suspek ay umalis sa inuman para hindi na humaba pa ang usapan pero lingid sa kanya’y sinundan siya ni Gwanon.

Nagtatakbo ang biktima pero inabutan siya ng suspek at tinarakan sa likod ng Swiss knife na may habang 9 pulgada.

Nadakip ng mobile patrol ng Sucat Police ang suspek at nakuha ang patalim na ginamit sa pananaksak sa biktima.

(JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top