Sunday , May 16 2021
Breaking News
You are here: Home / News / CoVid-19 vaccine ng PSG, legal na
CoVid-19 vaccine ng PSG, legal na

CoVid-19 vaccine ng PSG, legal na

NAG-ISYU ang Food and Drug Administration (FDA) ng compassionate use of license para sa 10,000 doses ng CoVid-19 vaccine ng Sinopharm na nakabase sa China para sa mga tauhan ng Presidential Security Group (PSG) at kanilang mga pamilya.

“Nag-isyu ng compassionate use license ang ating FDA para sa 10,000 dosage ng Sinopharm. Ito ay sang-ayon sa application ng ating PSG,” sabi ni Presidential Spokesman Harry Roque kahapon.

Nauna rito’y inamin  ng PSG nabakunahan ang kanilang mga miyembro noon pang Setyembre at Oktubre ng nakaraang taon kahit na hindi pa inaaprobahan ng FDA.

Hanggang noong nakaraang buwan ay hindi pinapansin ng PSG  ang isinasagawang imbestigasyon ng Department of Health (DOH) sa paggamit nila ng smuggled at hindi awtorisadong anti-CoVid-19 vaccine na gawa ng Sinopharm.

“The secretary of health sent a letter to the PSG asking for a list of whoever was vaccinated, if they were and what the vaccine was so that they can be monitored and checked for adverse events, but I don’t think there’s been any reply,” ayon kay Food and Drug Administration (FDA) director general Eric Domingo.

(ROSE NOVENARIO)

 

About Rose Novenario

Leave a Reply

Your email address will not be published. Required fields are marked *

*

Scroll To Top