Saturday , February 27 2021
Breaking News
You are here: Home / Showbiz / Bea, ibinuking ng rubber shoes (Suot nang makipag-date kay Dominic)
Bea, ibinuking ng rubber shoes (Suot nang makipag-date kay Dominic)

Bea, ibinuking ng rubber shoes (Suot nang makipag-date kay Dominic)

NAKITA na namin ang magkaparehong post sa Instagram nina Bea Alonzo at Dominic Roque nang kumain sa isang Japanese restaurant kamakailan. Bagamat wala silang post na picture na magkasama, makikita naman ang pagkakahalintulad ng lugar at iba pang bagay.

Pero ang mas nakakuha sa amin ng atensiyon ay ang picture ng rubber shoes na ibinahagi ni Dominic. Dalawang binti ng lalaki at babae na nakasuot ng puting rubber shoes.

Sinipat naming mabuti ang rubber shoes ng babae (tiyak kami dahil nasa hitsura naman). Pareho iyon ng rubber shoes na suot ni Bea sa isa sa picture nito sa kanyang IG. Ito ‘yung picture na yakap niya ang kanyang ina three days ago.

Idagdag pa natin nang mag-game silang mag-ina sa vlog ni Bea ukol sa ‘jojowain’ o ‘totropahin’ challenge. Ito ‘yung nagbigay si Bea ng mga pangalan ng celebrities—Hollywood and local. Maraming celebrities ang binanggit na pangalan pero pagdating kay Dominic, mabilis ang pagsagot ni Bea, at wala ring kagatol-gatol, aniya ”Jojowain ko rin.”

Hangad lang ng ina ni Bea na maging maayos silang magkapatid kapag nagkaroon na ng sariling pamilya, lalo na ang aktres na ayon nga sa ina, eh, “Sana natuto ka na. Sa life, alagaan mo ang sarili mo. Alagaan mo ang puso mo anak. Hinay-hinay lang, huwag todo.”

Wish din ng ina ni Bea na makahanap ito ng asawang, ”Mabait lang, maging totoo at huwag babaero please.”

SHOWBIZ KONEK
ni Maricris Valdez Nicasio

 

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top