Tuesday , April 13 2021
Breaking News
You are here: Home / News / Oposisyon binutata sa maagang ‘politika’ (Sa Caloocan)

Oposisyon binutata sa maagang ‘politika’ (Sa Caloocan)

ni JUN DAVID

PINABULAANAN ni Caloocan City Treasurer, Analiza Mendiola ang sinabi ng ilang konsehal sa panig ng oposisyon na humihingi ng ulat ng lungsod hinggil sa mga gastusin sa CoVid-19.

Iginiit niya na regular na isinusumite ng kanyang opisina ang disbursement reports sa tagapangasiwa ng City Council bilang pagsunod sa itinakdang ordinansa sa panuntunang inilaan para sa mahigit P1 bilyong supplemental funds bilang tugon ng lokal na pamahalaan laban sa pandemya.

Sinabi ni Mendiola, mayroon siyang katibayan na tinanggap ng secretariat ng City Council ang mga ulat tungkol sa mga naging gastusin.

“Mahigit kumulang na 65,000 tablets ang ipinamahagi sa mga estudyante ng grade 9 to 12, at 2 milyong food packs ang naipamahagi mula noong Marso hanggang Disyembre. Isama pa natin ang P750 milyong  cash aid na ibinigay sa mga taga-Caloocan tulad sa mga mag- aaral ng UCC, mag-aaral ng pampublikong high school at elementary sa lungsod at iba pa, ayon kay Mendiola.

Nagtataka si Konsehal Dean Asistio sa mga naglabasang balita kasi alam ng mayorya na kompleto ang reports.

“Nakoryente ang mga miyembro ng minorya sa kanilang pinagsasabi. Palibhasa puro pamomolitika ang nasa isip kaya mali ang mga diskarte. Kompleto po ang mga reports kaya hindi dapat mabahala ang aming mga kababayan dito sa Caloocan,” sabi ni Asistio.

“Mabuti pang umikot sila sa Caloocan para malaman kung nararamdaman ng mga taga-Caloocan ang serbisyo ng buong administrasyon,” saad ni Konsehal Asistio.

“Sa gitna ng patuloy na banta ng CoVid-19 at ang ulat sa pagkakaroon ng panibagong strain, higit na kailangan ng Caloocan City ang suporta ng konseho para mabilis na mapatupad ang mga programa ni Mayor Oca para sa kaligtasan at kalusugan ng lahat ng taga-Caloocan. Insensitive na lang ang sino mang opisyal na gagamitin ang pamomolitika sa panahon ng pandemya,” ayon pa kay Asistio.

About Jun David

Leave a Reply

Your email address will not be published. Required fields are marked *

*

Scroll To Top