Nat’l Karatekas sasalang sa int’l tournaments

PAGPASOK ng 2021, may plano agad ang national karatekas sa mga sasalihang kompetisyon bilang paghahanda sa 2021 Olympic Games qualifying tournament.

Tututukan nila ang tatlong international competitions na sasalihan ng national karatekas na magsisimula sa Pebrero, ito’y ang World Karate Federation Premier League tournament Lisbon, Portugal,  sa Premier League tournament sa Azerbaijan, Turkey at ang Asian Indoor and Martial Arts Games (AIMAG) sa Thailand.

Ang Olympic qualifying tournament ay aarangkada sa 11-13 Hunyo 2021 sa Paris, France. Ang top three finishers sa bawat weight division ang makakukuha ng tiket para sa 2021 Tokyo Olympics.

Ibabangga ng Karate Pilipinas Sports Foundation Inc. (KPSF) sina Fil-Japanese Junna Tsukii, Joanne Orbon, Alwyn Batican, Ivan Agustin, Sharief Afif at Jamie Lim anak ni PBA legend Samboy Lim.

May ticket na sa Olympic sina pole vaulter Ernest John Obiena, gymnast Carlos Edriel Yulo, boxers Eumir Felix Marcial at Irish Magno. (ARABELA PRINCESS DAWA)