4 sa mahuhusay na Kapuso stars, tampok sa Best Sisters Forever ng MPK

MAGSASAMA-SAMA sina Diana Zubiri, Sanya Lopez, Sunshine Dizon, at Sheena Halili sa episode na pinamagatang Best Sisters Forever sa Magpakailanman.

Malapit ang samahan ng apat na magkakapatid na sina Linsie (Diana), Gee (Sunshine), Leslie (Sheena), at Arriane (Sanya).

Dahil wala nang ibang maaasahan, patuloy na nagtutulungan ang magkakapatid matapos maulila sa kanilang mga magulang.

Pero tunay na masusubukan ang kanilang samahan nang magkasakit sa bato ang kanilang bunsong kapatid na si Arriane.

Paano malalagpasan ng magkakapatid ang unos na ito?

Bukod sa apat na Kapuso actresses, bahagi rin ng episode si Snooky Serna na gaganap bilang kanilang ina.

Makakasama rin nila sa episode ang mga aktor na sina Juancho Trivino at Rafa Siguion-Reyna.

Si Gil Tejada Jr. ang nagdirehe ng episode na ito.

Huwag palampasin ang kuwento ng pagmamahalan at pagtutulungan ng magkakapatid sa Best Sisters Forever “ sa Sabado, January 2, 8:00 p.m. sa #MPK.

Rated R
ni Rommel Gonzales