Tuesday , January 19 2021
Breaking News
You are here: Home / Showbiz / John Lloyd, tiyak na ang pagbabalik-showbiz
John Lloyd, tiyak na ang pagbabalik-showbiz

John Lloyd, tiyak na ang pagbabalik-showbiz

NAKITA namin ang mga picture ng sinasabing naging bonding nina John Lloyd Cruz at Bea Alonzo. Mukha ngang matutuloy na ang kanilang gagawing project at sa totoo lang naman, pareho nilang kailangan ang ganoong bakasyon. Matindi ang pinagdaanang controversy ni Bea na may kinalaman sa kanyang lovelife. Matindi rin naman ang nangyari sa love life ni John Lloyd. Isipin ninyong tinalikuan ni John Lloyd pati na ang kanyang career at naghandang mamuhay ng  simple sa isang lugar na ni hindi niya kabisado. Tapos nauwi rin naman ang lahat sa hiwalayan.

Kaya nga nakatutuwa na nagsisimula nang makipag-bonding na ganyan si John Lloyd sa mga kaibigan niyang artista, ibig sabihin talagang seryoso na siyang balikan ang kanyang career. Dapat lang namang balikan ni John Lloyd ang kanyang career. Sabihin mo mang naging wise siya noong una pa man sa paghawak ng kanyang pera, at hindi na siya maghihirap ano man ang mangyaring kasunod. Aba eh bata pa si John Lloyd, at marami pang fans ang naghihintay sa kanya. Pababayaan ba niyang ganoon na lang ang potentials niyang mas mapabuti pa ang kanyang kinabukasan?

Noong magbakasyon si John Lloyd, nagkaroon ng vacuum sa industriya. Walang nakapalit sa mga ginagawa niyang roles. May sumikat na mga bagong artista, pero nagkaroon ng void dahil mga bata pa iyon at hindi pa nababagay sa mga seryosong love stories na ginagawa ni John Lloyd.

Kaya nga hinahanap siya ng fans niya hanggang ngayon. Kahit na anong balita. Makita lang siyang bumibili ng fish ball o kumakain ng balot sa tabing kalye, naka-abang ang kanyang fans. Kasi nga hinahanap pa rin nila siya sa mga pelikula at maging sa telebisyon.

Ngayon, mas lumilinaw na ang sinasabing pagbabalik showbiz ni John Lloyd at sa totoo lang mas marami ang natutuwa sa balitang iyan.

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top