Tuesday , June 22 2021
Breaking News
You are here: Home / News / Laborer bugbog sarado sa lasing
Laborer bugbog sarado sa lasing

Laborer bugbog sarado sa lasing

BUGBOG-SARADO ang lasing na construction worker habang kalaboso ang lasing niyang kapitbahay matapos ang kanilang mainitang pagtatalo sa Valenzuela City, kahapon  ng madaling araw.

Nakaratay pa sa Valenzuela Medical Center  (VMC) ang biktimang kinilalang si Jovic Altoveros, 43 anyos, ng Baldomero St., Barangay Coloong 2 matapos grabeng mapinsala sa mukha at ulo.

Agad nadakip ng mga nagrespondeng opisyal ng barangay at Valenzuela City Police ang suspek na si James Patrick Fermin, 28 anyos,  kapitbahay ng biktima sa nasabing lugar na nahaharap sa kasong serious physical injury.

Sa ulat na tinanggap ni Valenzuela Police chief P/Col. Fernando Ortega, dakong 2:30 am nang maganap ang insidente sa labas ng bahay ng biktimang si Altoveros.

Nasa loob umano ng kanyang bahay si Altoveros nang marinig niya ang pag-iingay sa labas ng suspek kaya’t lumabas upang sitahin ang kapitbahay na humantong sa kanilang komprontasyon.

Nang mairita ang suspek, pinagsasapak nang paulit-ulit sa mukha ang biktima hanggang dumating ang mga tauhan ng barangay at pulisya.

Nang dalhin ang dalawa sa pagamutan, kapwa nagpositibo sa alcoholic breath examination kaya’t dinala na sa tanggapan ng Station Investigation Unit (SIU) ng Valenzuela police si Fermin habang inoobserbahan ang kalagayan sa pagamutan ni Altoveros. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top