Sunday , May 9 2021
Breaking News
You are here: Home / Showbiz / Rabiya Mateo, apektado sa bashers—Sana ‘di na lang ako nanalo

Rabiya Mateo, apektado sa bashers—Sana ‘di na lang ako nanalo

SI Rabiya Mateo ng Iloilo ang itinanghal na Miss Universe Philippines 2020 ang bagong endorser ng Frontrow International.

Noong Friday, October 30, ginanap sa Manila Hotel ang grand welcome cum presscon para sa kanya ng Frontrow International, sa pangunguna ng Presidente nitong si Direk RS Francisco at CEO Sam Versoza. Ang event ay tinawag na Frontrow Exclusively meets Rabiya.

Si Rabiya ay produkto ng broken family at mula sa isang mahirap na pamilya. Ang cellphone nga niya ay mumurahin lang. Kaya sa question and answer portion, ang isang tanong sa kanya, na kung isasapelikula o isasatelebisyon ang buhay niya, sino ang gusto niyang gumanap, at bakit?

Ang sagot ng dalaga, si Megan Young, na tulad niya ay isang beauty queen. Ang dahilan, marami ang nagsasabi na may resemblance siya kay Megan, bukod pa sa mahusay itong magsalita at makipag-communicate.

“She’s my queenspiration,” aniya pa.

Sa pagkapanalo ni Rabiya, marami ring bumatikos sa kanya, kasama na ang ilan sa mga nakalaban niya sa Miss Universe Philippines 2020. Hindi nila matanggap na ang half Indian half Filipino ang mag-uuwi ng titulo at korona.

Ayon sa kaibigan at room mate sa Miss Universe Philippines 2020 ni Rabiya na si Miss Iloilo Province, na guest sa event, ay iniyakan ni Rabiya ang kanyang bashers. Nasabi nito sa kanya na sana ay hindi na lang siya ang nanalo.

O, ‘di ba apektado ng bashers si Rabiya?

First time pa lang niya sigurong na-bash, kaya hindi niya pa alam kung paano iha-handle.

Pero hindi dapat magpaapekto si Rabiya dahil mas marami ang magsasabi na dederved niya ang crown. At ang dalawa sa mga ito ay sina Miss Gloria Diaz, na itinanghal na Miss Universe 1969 at Catriona Gray na itinanghal naman bilang Miss Universe 2018.

Rommel Placente

About Hataw Tabloid

Leave a Reply

Your email address will not be published. Required fields are marked *

*

Scroll To Top