Monday , May 10 2021
Breaking News
You are here: Home / Showbiz / Gardo, pinaratangang bakla (dahil sa kimpy boxer short at high heels)

Gardo, pinaratangang bakla (dahil sa kimpy boxer short at high heels)

NAKATUTUWA si Gardo Versoza, aktibo kasi siya sa pagti-Tiktok. Ipino-post niya ito sa kanyang Instagram account, at makikita ritong tila naging trademark na niya ang pagsusuot ng skimpy boxer shorts at high heels habang nagsasayaw.

O ‘di ba, maiisip mo ba na ang kilalang dating sexy star na nag-shift sa action ay magti-Tiktok?

Naaaliw ang netizens na makita ang galing sa pagkembot ni Gardo, kasama pa ang kanyang misis na si Ivy. Nakatutuwa sila talagang panoorin.

Pero kung marami ang naaaliw sa mga dance challenge nina Gardo at Ivy, may mga tao rin na hindi natutuwa at binabatikos ang mag-asawa.

Ayon kay Gardo, may mga humuhusga sa kanya na siya ay bakla. Pero deadma lang naman sila sa bashers.

“Kahit saan naman yata may bashers. May mga nagsasabi na, ‘Sabi ko na, ‘Aba, bakla ‘yan. eh. Hindi lang nag-a-out dati, pero ngayon out na siya.’

“Minsan sinasabi, ‘Tingnan niyo, mas mukha pa siyang babae sa asawa niya.’ ‘Yung mga ganoong bashing hindi natin maiiwasan,” sabi ni Gardo sa interview sa kanya ng Pep.ph.

Mas nakatutok ang atensiyon nilang mag-asawa sa mga taong natutuwa sa kanilang videos.

“Basta kaming mag-asawa, hangad lang namin, makapag-share ng kahit kaunting saya, lalo na ngayong pandemya. Kapag negative, huwag nang patulan.”

Rommel Placente

About Hataw Tabloid

Leave a Reply

Your email address will not be published. Required fields are marked *

*

Scroll To Top