Tuesday , June 15 2021
Breaking News
You are here: Home / Showbiz / Heaven sa pagpalit kay Julia—Ginagalingan ko, pressured ako
Heaven sa pagpalit kay Julia—Ginagalingan ko, pressured ako

Heaven sa pagpalit kay Julia—Ginagalingan ko, pressured ako

SECOND choice man, hindi ito mahalaga kay Heaven Peralejo. Ang pagkapili sa kanya para gampanan ang napakahalagang papel sa pinakabagong handog ng ABS-CBN, ang Bagong Umaga ang pinahahalagahan niya.

Sinasabi kasing si Julia Barretto ang dapat na bida sa teleseryeng ito na ang unang titulo ay Cara Y Cruz. Naetsapuwera si Julia nang umalis sa Star Magic para lumipat ng Viva Artist Agency.

Katwiran ni Heaven nang matanong ukol sa pagiging 2nd choice, sa virtual presscon ng Bagong Umaga“It’s a blessing in disguise kaya nagpapasalamat talaga ako lagi, so, ‘yon lang po. Ang ginagawa ko lang talaga ay ginagalingan ko every scene.

“Nandiyan naman po ‘yung director namin para tulungan kami. Lalo na ‘yung mga castmate ko, sobrang galing din po nila na kahit ikaw mismo madadala ka sa galing nila,” giit pa niya.

“Rito po sa ‘Bagong Umaga,’ lahat po kami, kahit veterans po, sobrang bait po nila. Like sila Tita Rio (Locsin), alam n’yo si Tita Rio, smiling face.

“Dito para kaming pamilya, eh.

“Siguro dahil lock-in po kami and everyday kaming magkakasama, we became a family. And every time na nasa set ako, it’s a happy set for me,” aniya pa.

Hindi naman itinanggi ni Heaven kung gaano siya kasaya ngayong bida na siya sa isang teleserye. “Kung alam n’yo lang po kung gaano ako kasaya. Kung gaano kasaya ‘yung puso ko para maibigay sa akin itong role na ‘to.”

“Sobrang thankful ako kina Mamu (Rizalina Ebrigea ng RGE Drama Unit), of course sa production, sa mga directors, sa ABS for giving me this opportunity.”

Bukod sa masaya, aminado rin ang batang aktres na pressured siya dahil tiyak na mataas ang expectation sa kanya ng netizens.

“I’m very grateful, and at the same time, pressured. Binigyan nila ako ng chance para i-showcase ‘yung kung ano ba ang kaya kong ibigay sa mga kapamilya natin.

“Pero for me, masayang pressured din para, at least, gagalingan ko every time. Para matuwa naman ‘yung ating viewers,” tsika pa ni Heaven.

Kaya sa Oktubre 26, bagong barkada ang magbibigay ng pag-asa at aral sa mga manonood sa bagong serye ng ABS-CBN sa A2Z Channel 11, Kapamilya Channel, at Kapamilya Online Live.

Bukod kay Heaven, kasama rin sina Tony Labrusca, Barbie Imperial, Kiko Estrada, Michelle Vito, at Yves Flores na iikot ang serye sa anim na kabataang magkakabit ang kuwento dahil sa kani-kanilang nakaraan.

Makakasama rin ng barkada ang mga premyadong aktor na sina Sunshine Cruz, Cris Villanueva, Glydel Mercado, at Rio Locsin. Ito’y mula sa produksyon ni Rizza G. Ebriega, na siya ring naghatid ng mga ‘di malilimutang seryeng Nang Ngumiti Ang Langit at Pamilya Ko.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top