Saturday , November 28 2020
Breaking News
You are here: Home / Showbiz / Barbie, hirap man sa lock-in taping: Ok lang bread winner ako, kaya laban lang
Barbie, hirap man sa lock-in taping: Ok lang bread winner ako, kaya laban lang

Barbie, hirap man sa lock-in taping: Ok lang bread winner ako, kaya laban lang

INAMIN ng buong cast ng teleseryeng Bagong Umaga na sina Tony Labrusca, Kiko Estrada, Michelle Vito, Yves Flores, Barbie Imperial, at Heaven Peralejo na nahirapan sila sa lock-in taping pero okay na rin dahil may trabaho sila kaysa wala.

Para kay Barbie, nagpapasalamat siya dahil masuwerteng may trabaho ngayong pandemya dahil maraming artista ngayon ang nganga.

Aniya, “mahirap po talaga lalo na kung nasanay kang kasama mo parati ang pamilya mo. Inaatake (anxiety) noong first week kasi hindi ko kasama ang kuya ko, pero ‘yung mama ko po kasama ko rito.”

Hindi kasi biro na dire-diretso ang taping nila sa 12 hours kasi sinusulit dahil ito lang ang oras na ibinigay ng FDCP na approved ng DOLE. Bukod dito ay sobrang higpit ng health protocols ng ABS-CBN na sumusunod sa patakaran ng IATF.

Kaya sa tanong kung papayag ulit si Barbie na magka-project pero lock in.

“Kung bibigyan po ulit ako ng project okay po lalo na sa part ko bread winner ako kaya laban lang po ng laban,” sambit ng dalaga.

Ano ang matinding kontrobersiyang pinagdaanan sa buhay ni Barbie at paano niya ito nalusutan para makita ang bagong umaga.

“’Yung worst po na nangyari sa akin ay ‘yung about sa dad ko na alam naman po ng lahat eversince PBB (Pinoy Big Brother 737 alumna).  Ang mom ko po ang bagong umaga ko at lahat po ng ginagawa ko ay para po sa kanya,” pahayag nito sa ginanap na virtual mediacon para sa seryeng Bagong Umaga.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top