Bea, bilib sa galing ni Alden

ISA si Alden Richards sa pangarap na makatrabaho ni Bea Alonzo. Nagkasama ang dalawa sa isang shampoo commercial na kinunan pa sa Thailand na ang buong akala ng marami, pelikula ang ginagawa ng dalawa, pero commercial pala.

Napabilib kasi si Bea nang makatrabaho ang Pambansang Bae sa pagka-professional nito at napakabait kaya naman puro papuri kung ilarawan nito ang Kapuso actor. Dream come true para rito kung makatrabaho niya si Alden.

At nang lumabas ang ginawa nilang commercial,  marami na ang nagre-request na sana’y pagsamahin din sila sa isang pelikula dahil kung pagbabasehan ang commercial, nag-uumapaw ang chemistry ng Asia’s Multimedia Star at ang Kapamilya Drama Queen.

MATABIL
ni John Fontanilla