Friday , October 23 2020
Breaking News
You are here: Home / News / Term-sharing deal, OK lang ‘di matupad  
Term-sharing deal, OK lang ‘di matupad   

Term-sharing deal, OK lang ‘di matupad  

KAHIT may term-sharing deal sina Speaker Alan Peter Cayetano at Marinduque Rep. Load Alan Velasco  ay numbers game pa rin ang mananaig sa pagpili ng pinuno ng Mababang Kapulungan ng Kongreso.

 

Paniniwala ito ni Pangulong Rodrigo Duterte kahit naging testigo pa siya sa gentleman’s agreement na term-sharing nina Cayetano at Velasco noong nakalipas na tao.

 

Sinabi ni Presidential Spokesman Harry Roque, kahit umaasa si Pangulong Duterte na matutupad ang term-sharing deal nina Cayetano at Velasco, ipinauubaya niya sa mga kongresista ang pagpapasya sa pagpili ng Speaker.

 

“So the President is hoping that the Speaker and Congressman Velasco will honor their agreement but ultimately the decision will be the decision of the individual congressmen. Ang sabi po niya, to quote talaga is: “Kung walang numero si Lord Allan, wala siyang magagawa,” sabi ni Roque sa virtual Palace press briefing kanina.

 

Matatandaan noong 8 Hulyo 2019, inianunsiyo mismo ni Pangulong Duterte na batay sa nabuong gentleman’s agreement ay magkakaroon ng term sharing sina Cayetano at Velasco para sa House speakership.

 

Magsisilbi si Cayetano bilang Speaker sa unang 15 buwan o hanggang sa susunod na buwan habang si Velasco ay sa matitirang mga buwan hanggang matapos ang kanilang termino sa 2022.

 

Ngunit halos isang buwan bago matapos sana ang termino ni Cayetano, kumalat ang text message ni presidential son at Davao City Rep. Paolo Duterte na nakaamba ang kudeta laban kay Cayetano kung hindi gagawing patas ang pamamahagi ng pondo para sa mga distrito ng kongresista. (ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top