Saturday , October 31 2020
Breaking News
You are here: Home / Showbiz / Arkin Del Rosario, inalok ng BL Series sa South America at Europe
Arkin Del Rosario, inalok ng BL Series sa South America at Europe

Arkin Del Rosario, inalok ng BL Series sa South America at Europe

NAG-UUMAPAW sa kasiyahan ang actor/singer at lead actor sa BL series na Boyband Love na si Arkin Del Rosario dahil kahit hindi pa naipalalabas ang kanyang pinagbibidahang BL series at teaser pa lang ang ipinakikita, dagsa na ang offer sa ibang bansa para roon gumawa  ng BL series.

Ilan nga rito ay mula sa mga bansang South America at Europe na inaalok ang serbisyo ni Arkin para magbida sa kanilang BL series.

Kuwento ni Arkin, “Nagugulat ako kasi kahit teaser pa lang ‘yung lumalabas sa BL series naming, ‘Boyband Love’ marami ng nagme-message sa akin sa ibang bansa lalong-lalo na sa South America na gumawa ng BL series doon.

“Pero kasisimula ko pa lang gumawa ng BL series dito sa Pilipinas, mas gusto ko munang mag-focus sa career ko rito sa Pilipinas and later on ita-try ko rin gumawa ng project sa ibang bansa.

“Hindi naman kasi ganoon kadali ‘yun na ‘pag inalok ka, kukunin mo na agad, marami pang bagay na dapat gawin, like kailangan mong pag- aralan ‘yung salita nila para magampanan mo ng tama ‘yung role na ibibigay nila sa ‘yo.

 

“Dapat handa ka, mahirap kasi na sugod ka lang ng sugod ng ‘di ka man lang naghahanda.

“Sabi ko naman sa kanila na kasisimula ko pa lang gumawa ng BL series sa Pilipinas kaya gusto ko munang dito muna mag-focus at naiintindihan naman nila. Who knows baka after ilang months lang sa kanila (South America, Europe ) naman ako gumawa ng BL series.”

Hindi naman isinasara ni Arkin ang pinto ng oportunidad na makagawa ng BL series sa ibang bansa, pero gusto niyang maging handa at nagawa na niya lahat ang mga proyekto niya rito sa Pilipinas.

Mapapanood ang Boyband Love sa September 19 sa Star Cast Entertainment Youtube Channel Film City.

 

MATABIL
ni John Fontanilla

About John Fontanilla

Leave a Reply

Your email address will not be published. Required fields are marked *

*

Scroll To Top