Friday , September 25 2020
Breaking News
You are here: Home / News / 2 tulak, 2 pa timbog sa police ops sa Bulacan
2 tulak, 2 pa timbog sa police ops sa Bulacan

2 tulak, 2 pa timbog sa police ops sa Bulacan

NASAKOTE sa magkakahiwalay na police operations sa lalawigan ng Bulacan ang dalawang notoryus na tulak ng ilegal na droga at dalawang may kasong kriminal, hanggang kahapon, 15 Setyembre .

Batay sa ulat na isinumite kay P/Col. Lawrence Cajipe, provincial director ng Bulacan PNP, nadakip ang dalawang tulak sa anti-illegal drug operations na ikinasa ng mga operatiba ng Station Drug Enforcement Unit (SDEU) ng Marilao at Meycauayan PNP.

Kinilala ang isang suspek na si Zaldy Roxas, sinampahan ng dagdag na kasong paglabag sa RA 10591 (Comprehensive Law on Firearms and Ammunition), Direct Assault, at Attempted Homicide matapos manlaban sa mga pulis na nagresulta sa pagkasugat ng kaniyang kaliwang paa.

Nakompiska mula kay Roxas ang apat na sachet ng shabu, isang rebolber na kargado ng apat na bala, at buy bust money.

Samantala, nasakote ang suspek na si Benedicto Masong, Jr., sa isang buy bust operation na nasamsam mula sa kanya ang tatlong sachet ng shabu at buy bust money.

Nadakip din ang dalawang iba pang suspek sa pagtugon ng Bulacan police sa magkahiwalay na insidente ng krimen sa mga lungsod ng Meycauayan at San Jose Del Monte.

Sasampahan ang dalawa ng mga kasong paglabag sa RA 9262 (Anti-Violence Against Women and Their Children) at Theft.  (MICKA BAUTISTA)

 

About Micka Bautista

Leave a Reply

Your email address will not be published. Required fields are marked *

*

Scroll To Top