Tuesday , March 19 2024

Ang ‘matapobreng hampaslupa’ trending na naman (Pahiram po Mr. Dong Abay)

WALA talagang kupas itong ‘all time favorite’ na ‘matapobreng hampaslupa’ ng mga netizen.

(Pasintabi kay Mr. Dong Abay, idol pahiram ng ‘matapobreng hampaslupa.’)

Aba mantakin ninyong umariba na naman?!

Habang hindi magkandaugaga ang ating frontliners sa medical community dahil sunod-sunod ang dating ng mga pasyenteng infected ng COVID-19 na umabot na sa mahigit 100,000 at humingi na ng tulong sa pamahalaan na kung maaari ay ibalik sa enhanced community quarantine (ECQ) ang Mega Manila, buong kapal ng mukhang iwinasiwas ang kanyang pagiging ‘matapobreng hampaslupa’ sabay sabing: “Hindi na siguro. Pagbutihin nila ang trabaho nila!”

Ms. AVIC, ano ba talaga ang nangyayari sa bossing ninyo?! Wala ba talaga siyang nararamdamang awa?! Mukhang bagsak na bagsak ang ‘emotional quotient’ ni Madam?!

Wala na bang mahiraman ng ‘compassion’ si Mrs. Villar at talagang napaka-insensitive niya sa kalagayan ng marami nating mga kababayan lalo sa hanay ng ating frontliners sa panahon ng pandemya?!

Hindi pa nga nalilimutan ng sambayanan ang mga pinakawalan niyang mga salitang pangmamaliit at walang pakundagan sa kalagayan ng mga kababayan natin noong panahon ng enhanced community quarantine (ECQ) na ayaw niyang pabigyan ng ayuda, nurses na nilait, at pagmamaliit sa research ng mga eksperto, heto’t ‘yung medical community naman ang ‘biniktima’ ng kanyang pagiging ‘matapobreng hampaslupa.’           

Heto po ang pinag-uusapan sa medical community dahil sa ‘kagagahan’ ni Madam. “Senator Villar should go and work at a COVID hospital and see how long she will last. How dare certain politicians speak so arrogantly when they are securely tucked away in their homes, away from the battlefield. Easy for them to say when it is not their lives at stake. I suggest that a petition go out asking ALL politicians to work a 12 hr shift in COVID-19 hospitals for at least 4 weeks so they can get an idea of what a FRONTLINER does. The FRONTLINERS have been in the battlefield for at least 20 weeks…”

Pero matapos siyang batikusin sa social media e biglang kumambiyo. Silang mga nasa gobyerno raw ang pinagsasabihan niya.

Silang government leaders kuno ang dapat magtrabaho nang husto para masolusyonan ang epekto ng COVID-19 (Coronavirus Disease 2019) pandemic sa ekonomiya ng bansa gayondin sa health sector.

Madam Cynthia, huwag kang lip service ha?! Sinabi mo talaga ‘yan ha!

O sige nga patunayan mo ‘yan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *