Tuesday , March 19 2024

‘Lethal injection’ sa drug trafficker hiniling ni Digong

MAIGTING na isinusulong ngayon ni Pangulong Rodrigo Duterte ang kanyang panawagan na ‘lethal injection’ ang ipataw sa mga mapapatunayang nagkasala ng heinous crimes kasama na rito ang mga big time drug trafficker.

Mukhang pursigido ang Pangulo na itulak ito sa loob ng kanyang huling dalawang taon bago bumaba sa puwesto.

“I reiterate the swift passage of a law reviving the death penalty by lethal injection for crimes specified under the Dangerous [Drugs] Act of 2002,” ‘yan ang mariing pahayag niya sa kanyang ikalimang State of the Nation Address (SONA) kahapon.

Nararamdaman natin ang hangarin ng Pangulo na linisin ang bansa laban sa ilegal na droga. Isa ito sa malaking laban na hinaharap hindi lang ng Pangulo kundi ng buong bansa.

Pero gaya nang dati, marami ang hati sa pagbabalik ng death penalty.  Marami ang naniniwala na marami ang magiging biktima ng inhustisya dahil hindi patas ang umiiral na batas sa ating bansa.

Sa kasalukuyan lang nga, hindi maayos ang mga buy bust operations kaya sa totoo lang kapag may mahusay na abogado ang mga akusado, nalulusutan nila ang kaso.

Sa imbestigasyon ng pulisya, mas marami ang ‘nakalulusot’ kaysa naninindigan sa kanilang trabaho.

Kaya papabor lang ang death penalty sa ating bansa kung maayos ang pagpapatupad ng batas.

Kasabihan nga, sa Filipinas kapag wala kang pambayad sa abogado tiyak na ika’y makakalaboso.

Kung drug trafficker ang target ng ‘lethal injection’  paano tayo nakatitiyak na hindi gagapang ang milyones ng mga ‘drug lord’ para maibasura lang ang batas at kung sakali mang may death penalty ganoon din naman ang gagawin nila — influence peddling — sa rami ba naman ng kuwarta nila.

Sa madaling sabi, hindi magiging matagumpay ang ‘death penalty’ sa isang bansang ‘butas-butas’ ang sistema ng hustisya.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *