HATAW! D'yaryo ng Bayan hatawtabloid.com
DUMAMI ang bilang ng mga positibo sa COVID-19 sa Mababang Kapulungan matapos dumaan sa mga pagsusuri, dalawang araw bago ang State of the Nation Address (SONA) ni Pangulong Rodrigo Duterte.
Unang inihayag ni House Deputy Speaker at Surigao del Sur Rep. Johnny Pimentel na nagpositibo siya sa COVID-19 test.
Aniya, nalaman niya ang resulta ng reverse transcription-polymerase chain reaction (RT-PCR) sa tawag ng doktor ng Kamara nitong linggo ng gabi.
Walang sintomas si Pimentel at ngayon sumailalim sa self-quaratine sa kanyang bahay.
Sa patuloy na pagsasagawa ng tests sa mga mambabatas, opisyal, at staff members sa Kamara bago ang SONA napag-alamang 13 pa kasama ang tatlong presidential security guard, apat na taga-Kamara at tatlo mula sa Internal House Affairs Office (IHAO) sa Malacañang ang positibo sa COVID-19.
(GERRY BALDO)
