Wednesday , September 23 2020
Breaking News
You are here: Home / Showbiz / Edu, na-enjoy ang pakikipagkulitan kina Toni at Alex
Edu, na-enjoy ang pakikipagkulitan kina Toni at Alex

Edu, na-enjoy ang pakikipagkulitan kina Toni at Alex

KUNG mayroon tayong isang tunay na Darna sa katauhan ng isang Angel Locsin, na may kapa man o wala ay walang sawang tumutulong sa mga higit na nangangailangan, na umabot na sa pagkakaroon niya ng  Iba ‘Yan na programa sa Kapamilya, hindi naman nagpapahuli ang kanyang counterpart na si Captain Barbell, sa tahimik din lang nitong paghahatid ng ayuda sa mga tao.

Nang magkaroon ng pandemya, nalungkot siyempre ang aktor, na isa ring politikong si Edu Manzano, hindi lang dahil nabimbin ang plinano nilang reunion uli sa bansang Italya ng kanyang mga kapatid, kundi ang pagkakaroon nito ng apekto sa lahat ng tao.

Kaya naging bahagi nga ng dasal ni Edu na sana, kahit dito lang eh, makapiling pa rin niya ang mga mahal sa buhay gaya ng kanyang kapatid na nasa parteng Batangas.

“Every now and then, basta allowed to travel there, I go to Batangas to visit my brother. Iba rin ang country life. Idyllic, ‘Lar.”

Ang home in the South ni Edu ay sa Barangay Calayo, in Nasugbu Batangas. Nae-enjoy nito ang buhay probinsiya sa kanilang resort sa #Samsara.

At kapag naman nasa kanyang tahanan sa San Juan at naka-lockdown, nagagawa na rin nito ang Zoom meetings para na rin sa kanyang interviews sa mga panauhin niya sa ipinagkaloob na programa ng #MetroChannel na #GoodVibeswithEdu.

“Nakatutuwa ‘Lar. Kasi, last Sunday, ipinalabas uli ‘yung episode with the ’Palibhasa Lalake’ stars. Sina Goma (Richard Gomez), Amy Perez and Anjo Yllana. Kulang pa nga ‘yun kasi wala pa sina Joey Marquez and John Estrada pero riot na.”

Ang unang episode niya featured his children–LuisEnzo and Addie.

“This coming Sunday at 8:30 p.m. (Channel 52 sa Sky Cable) another riot na naman ang mangyayari. Kasi, I will have the privilege of conversing with the Gonzaga sisters, Toni and Alex.”

‘Am sure, hindi mawawala sa pag-uusapan si Mommy Pinty!

“Haha, bakit mo alam? Yes, we touched on her. Pati si Daddy. The life they are leading now. And Alex introduced din her boyfriend. So, aabangan na naman ‘yan for sure.”

Sa Samsara, sa Barangay Calayo, hindi naman tumitigil si Edu sa pamamahinga lang sa kanyang matatawag na paraiso. Umiikot pa rin siya para sa maiaambag pa niyang mga tulong doon. Naka-ilang rounds na sila ng pamamahagi ng ayuda mula day 1 ng lockdown.

“Masaya kasi, Covid-19 free naman so far ang lugar.”

Pagdating sa hosting, alam nating hindi matatawaran ang kakayahan ng isang Edu. Kaya, asahan na ang saya lalo na sa kanyang pagbabahagi ng good vibes tuwing Linggo ng gabi.

 

HARD TALK!
ni Pilar Mateo

About Pilar Mateo

Leave a Reply

Your email address will not be published. Required fields are marked *

*

Scroll To Top