Thursday , August 13 2020
Breaking News
You are here: Home / Showbiz / Nick Vera Perez, aktibo sa pagtulong sa panahon ng pandemya
Nick Vera Perez, aktibo sa pagtulong sa panahon ng pandemya

Nick Vera Perez, aktibo sa pagtulong sa panahon ng pandemya

HINDI man natuloy ang I Am Ready Grand Concert ng tinaguriang Total International Entertainer na si Nick Vera Perez last May 23, 2020 dahil sa Covid19 pandemic, naging aktibo pa rin siya sa pagtulong sa mga kababayang nangangailangan sa pamamagitan ng apat na major projects na pinamahalaan niya.

Ang mga ito ay ang mga sumusunod: 1. NVProjecTAAL20 – Inatasan ni NVP ang NVP1 Smile World angels para mamahagi ng food supplies sa 100 pamilya na naapektohan ng Taal eruption. 2. NVProject: PPP (Pagkain Para sa Pamilya) – May 45 poorest of the poor families ang natulungan ng NVP1WORLD Disaster Aide program nang mawalan ang mga ito ng pagkakakitaan dulot ng lockdown. 3. NVProject Press2020 – Ilang entertainment press na sumuporta kay Nick tatlong taon na ang nakararaan hanggang sa kasalukuyan ang naayudahan ngayong panahon ng pandemya nang mamahagi ng biyaya sa kanilang mga hapag-kainan — WeeChicken at tig-isang sakong bigas. 4. NVProject: PPE – Balik-pasasalamat ni Nick at ng NVP1Smile World sa UST College of Nursing sa pamamahagi ng PPEs (Personal Protective Equipments) sa mga healthcare workers sa mga hospital sa pamumuno ng Dean ng College of Nursing na si Rowena Chua at ilang propesor gaya nina Ms. Ida Tionko, Ms. Rouenna Villarama at Ms. Trinidad Ignacio.

 

Hindi matatawaran ang pagmamalasakit ni Nick sa sariling bayan kahit nasa Chicago, Illinois na at naglilingkod bilang isang registered nurse roon. Pinatunayan lang niya na hindi lang sa salita ang pagtulong kundi mas higit sa gawa.

 

Samantala, ang naantalang concert niya na dapat sana ay noong May sa Luxent Hotel Grand Ballroom na tampok ang mga special guest na sina Ynez Veneracion, Kikay/Mikay, Erika Mae Salas ng Viva/Ivory Records, at ang kanyang USA stars na sina Irelyn Arana at Rock Star Diva Rozz Daniels, ay makakasama pa rin ni Nick sa idaraos na show na may mga bonggang production numbers sa December 25, 2021.

 

Para sa iba pang detalye, maaaring sundan si NVP sa kanyang social media accounts sa Facebook, Instagram, at Youtube.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top