Thursday , August 13 2020
Breaking News
You are here: Home / Showbiz / Sylvia, tila nakawala sa kusina
Sylvia, tila nakawala sa kusina

Sylvia, tila nakawala sa kusina

ISANG napakasayang nanay ang nakita namin habang nagluluto sa kanilang bahay ng napakaraming putahe. Ang tinutukoy naming ay si Sylvia Sachez na nag-post ng video habang nagluluto.

Ani Ibyang (tawag kay Sylvia) na-miss niya nang sobra ang pagluluto. Kapag walang taping o shooting ang aktres, ugali na niya ang magluto para sa kanyang pamilya.

“Tatlong buwan din akong hindi nakapagluto,” tsika nito. “Kaya talagang napaka-saya ko na muli kong naipagluto ang pamilya ko.”

 

Isa si Sylvia at asawa niyang si Art Atayde sa naapektuhan ng Covid-19 kaya naman matagal-tagal din silang nagpagaling sa ospital. At nang makalabas ng ospital ay hindi naman kaagad nakapagluto rin ang aktres. Kinailangan niyang magpalakas pa.

Kaya naman kahapon, sobra-sobra ang saya ni Sylvia habang nagluluto ng Galunggong Pasta at Potato soup.

“Good morning, start na ako ng luto, delikado na ito, okey na ako, malakas na,” giit ni Ibyang habang ipinakikita ang ginagawang pagluluto.

 

Sinabi pa ni Sylvia nag-paksiw siya ng galunggong at dahil may sobra, ginawa niya iyong pasta. “Ang sarap ng amoy, ready na para sa pamilya ko,” pagbabahagi pa ni Sylvia.

Giit pa ni Sylvia, “para akong nakawala sa kusina, ahahahahahhaa. Ang ingay kong nagluto.”

 

Isa kami sa madalas makatikim ng mga niluluto ni Sylvia at talaga namang napakahusay nito sa pagluluto. Lahat ay masarap. Pero ang pinakapaborito namin ay ang kanyang kare-kare na ubod ng sarap.

Wish lang namin na matikman muli ang kare-kare ni Sylvia, hahaha.

 

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top