Tuesday , July 14 2020
Breaking News
You are here: Home / Showbiz / Lovi, nagbihis sa kalsada sa shooting ng Malaya
Lovi, nagbihis sa kalsada sa shooting ng Malaya

Lovi, nagbihis sa kalsada sa shooting ng Malaya

MATAGAL nang inaabangan ang iWant original movie na Malaya nina Zanjoe Marudo at Lovi Poe dahil ang gaganda ng mga lugar na pinag-syutingan nila mula sa direksiyon ni Concepcion ‘Connie’ Macatuno.

Kilala si direk Connie na mahilig sa magagandang location tulad ng Glorious nina Tony Labrusca at Angel Aquino na kinunan sa Sagada na hindi laging ipinakikita sa ibang pelikula.

Isa kami sa na-curious sa magandang poster ng Malaya kaya tinanong namin si direk Connie kung saan sila nag-shoot at kung kailan?

Aniya, “Last October (2019) in Puglia (Italy).”

Ang suwerte ng Team Malaya dahil nakapag-shoot sila bago ang Corona Virus pandemic at hindi inabutan ng lockdown. Matatagalan pa tiyak kung kailan ulit makakapag-shoot ng pelikula sa ibang bansa.

Kahapon (Mayo 28) ang streaming ng Malaya na kinunan sa Puglia, Italy na isa sa tourist destination ng nasabing bansa dahil dito rin matatagpuan ang Padre Pio Shrine sa San Giovanni Rotondo.

Ayaw naman magbigay ng detalye ni direk Connie nang tanungin namin kung ano ang karakter nina Zanjoe at Lovi at bakit native ang suot ng aktres. Feeling naming, siya ang taga-Puglia at turista naman ang aktor.

Samantala, nagkuwento si Lovi ng hirap ng shooting nila sa panayam ni Tim Yap sa Youtube channel nito.

“Hirap umikot sa mga paborito mong bansa na kailangan mo magtrabaho kasi you have to stay focused and everything. Shooting abroad is not a joke kasi wala ka sa comfort zone mo. Kumbaga kami, we were like walking around. Skeleton team talaga na bitbit ‘yung cameras, bitbit ko ‘yung mga damit ko. Nagbibihis ako sa kalsada,” say ng aktres.

Ang Malaya ay handog ng Dreamscape Entertainment at mapapanood  anytime sa iWant.

 

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top