Saturday , July 11 2020
Breaking News
You are here: Home / Showbiz / Protocol, proper coordination, iginiit ni Richard
Protocol, proper coordination, iginiit ni Richard

Protocol, proper coordination, iginiit ni Richard

BALEWALA rin ang ipinaglaban noon ni Mayor Richard Gomez. Proper coordination ng mga magbabalik na OFWs. Lumabas kasi na iyang mga LGU ay wala namang karapatang gumawa ng sarili nilang protocols kaugnay ng quarantine at Covid-19. Ang sinasabi ngayon ni Presidente Digong, national government lang ang may ganoong kapangyarihan at walang karapatan ang mga LGU na tumanggi sa sino mang ipadala sa kanila, “dahil lahat iyan Filipino.”

Ang punto lang ni Mayor Goma, ganoon din naman pala at papapasukin din ang mga ipadadala nilang tatlong eroplano na OFWs, kahit na ang mga iyon ay walang kaukulang Covid-19 test clearance, bakit pa nga ba naman sila nag-lockdown?

Ang pakiramdam namin, dumarating na roon sa panahon na lumalabas na ang palpak sa sistema, at iyan ay kailangan din naman nilang pagtakpan. Kaya may mga protocol na ring hindi sinusunod sa ngayon.

Hindi natin masasabing tama si Mayor Goma, bagama’t kung iisipin ay tama siya talaga. Kasi iyong national government ang magtatakda ng protocol, at kung ganoon nga ang protocol na itinakda nila, tama man o mali, ang siyang masusunod. Iyong sisihan kung ano ang mangyayari later on, darating pa iyan sa tamang panahon. Sa ngayon hindi mo masasabing mali iyan.

Parang pangaral din iyan ni Lola Nidora sa AlDub“lahat sa takdang panahon.” Sumikat sila nang todo hindi ba, pero dumating ang takdang panahon na nakita ring mali ang diskarte, at sa takdang panahon ay bumaba ang kanilang popularidad. Ganyan talaga, kailangang hintayin ang takdang panahon.

Kaya sa ngayon, wala na tayong magagawa kundi sumunod na lang sa agos. Kami rin, hindi na namin alam kung ECQ o GCQ o kung ano mang Q kami, na nasabi nga ni Ali Sotto, “napakaraming Q na hindi na maintindihan ng mga tao.” Kami ang alam namin ESQ kami. Walang SAP. Walang ayuda. Walang tiyak na trabaho at walang-wala.

 

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top