Saturday , June 6 2020
Breaking News
You are here: Home / News / Tondo High quarantine facility binuksan ni isko
Tondo High quarantine facility binuksan ni isko

Tondo High quarantine facility binuksan ni isko

ISA pang quarantine facility ang binuksan ni Manila Mayor Francisco “Isko Moreno” Domagoso kahapon sa publiko na mayroong 160-bed capacity mula sa target nitong 400 para magamit sa COVID-related cases sa Maynila.

 

Sinabi ni Mayor Isko, ang pagtatayo ng mga karagdagang quarantine facilities gaya ng Tondo High ay magpapatuloy at kasabay sa posibleng pagtaas ng bilang ng  kaso ng COVID-19 dahil sa unti-unting pagluluwag sa mga regulasyon sa ilalim ng general community quarantine (GCQ).

 

Ang pagtatayo ng mga pasilidad ay upang maging handa sa pagtaas ng kaso ng COVID-19 lalo ngayong  muling dumarami ang mga tao sa labas ng kanilang tahanan dahil sa GCQ.

 

Nakahanda ang nabanggit na quarantine facility na tumanggap ng mga nagpositibo sa patuloy na rapid testing na isinasagawa sa lungsod.

 

Umabot sa 35,065 ang sumailalim sa rapid test at ang lahat na magpopositibo sa COVID-19 ay dadalhin sa mga ipinatayong quarantine facilities ng lungsod

 

Kaugnay nito, ang dalawa sa walong mobile analog

X-ray machines na inorder ng lungsod upang hindi na lumbas ng pasyente para pumunta sa X-ray room, ay dumating na.

 

Ang isang yunit ay dinala sa Ospital ng Sampaloc, na may mataas na bilang ng kaso ng COVID-19, at sa  Sta. Ana Hospital na kinaroroonan ng Manila Infectious Disease Control Center (MIDCC) at ginagamot ang mga pasyenteng may COVID-19.

Kasalukuyang pinamamadali ni Mayor Isko ang konstruksiyon ng sariling PCR (polymerase chain reaction) testing laboratory ng lungsod.

 

“This is our long-term approach against COVID. Dahil milyon tayo, naisipan naming magtayo ng sariling PCR test lab pero bago tayo mag-construct ng pasilidad, nagkonsulta tayo sa DOH kaya maraming salamat sa DOH family,” ayon sa alkalde.

 

Aniya, ang halaga ng swab testing ay nasa pagitan ng  P5,000- P8,000 bawat isa para sa kompletong proseso hanggang mailabas ang pinakahuling resulta. (BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top