Saturday , June 6 2020
Breaking News
You are here: Home / Showbiz / Daniel at Joshua, mapapanood sa Actors Cue
Daniel at Joshua, mapapanood sa Actors Cue

Daniel at Joshua, mapapanood sa Actors Cue

NAKU tiyak na interesting na naman ang talakayan ngayong araw ng Actors Cue na nasa ika-10 series na.

Kung nag-enjoy kayo sa mga naunang talakayan ng mga artist, ngayong araw iba naman dahil sina Daniel Padilla at Joshua Garcia ang makakasama para pag-usapan ang ukol sa kanilang mga naging pelikula gayundin ang ilang process ng kanilang pagiging actor sa isa na namang special edition ng Actors Cue para sa #ExtendTheLove initiative. Mamaya na po ito, 7:00 p.m. sa fb.me/ExtendTheLove.

Bukod sa dalawa, makakasama rin si Zanjoe Marudo gayundin ang moderator nito at magaling na director na si Adolfo Alix Jr. Ang event  na ito ay para sa mga displaced film worker na naapektuhan ng quarantine.

Ang #ExtendTheLove ay isa ring paraan ng pagtulong sa mga nawalan ng trabaho dahil sa lockdown. Sinimulan ang proyektong ito sa pamamagitan ng pag-i-screen ng mga pelikula online at pagkaraan ay ang live sessions.

Ang Actor’s Cue  ay isang online session ng mga actor na ikinukuwento nila ang tungkol sa kanilang mga nagawang pelikula gayundin ang kanilang passion. Nakapag-guest na rito si Jaclyn Jose gayundin si Piolo Pascual.

Samantala, maaari kayong mag-share sa #ExtendTheLove sa pamamagitan ng BDO Account Name: Robert John Liboon,
Account Number: 008750028001; o sa BPI Account Name: Alfredo Villar, Account Number: 2570008156; o bisitahin ang fb.me/ExtendTheLove para sa ibang detalye.

 

 

SHOWBIZ KONEK
ni Maricris V. Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top