Tuesday , August 11 2020
Breaking News
You are here: Home / News / Pulis-Crame positibo sa COVID-19 uuriratin (Pumasok ng Baguio kahit lockdown)
Pulis-Crame positibo sa COVID-19 uuriratin (Pumasok ng Baguio kahit lockdown)

Pulis-Crame positibo sa COVID-19 uuriratin (Pumasok ng Baguio kahit lockdown)

SUMASAILALIM sa imbestigasyon ang isang pulis na ginagamot bilang coronavirus (COVID-19) patient sa lungsod ng Baguio nang mapag-alamang tumuloy siya sa pagpasok sa siyudad sa kabila ng mga restriksiyong ipinaiiral ng Philippine National Police.

 

Naitala si P/Maj. Rafael Roxas, deputy chief PNP Crime Laboratory’s Fingerprint Division, bilang ika-31 kaso ng COVID-19 sa lungsod matapos ang ‘zero-transmission’ simula noong 27 Abril.

 

Lumabas ang resultang positibo siya sa virus noong Lunes, 11 Mayo, at sumailalim sa isolasyon noong isang linggo pagkarating sa lungsod upang bumisita umano sa isang kamag-anak.

 

Ayon kay P/Col. Allen Rae Co, Baguio police director, noong Miyerkoles, 13 Mayo, pumayag si Roxas na ilabas ang kaniyang pagkakakilanlan upang makatulong sa pagpapabilis ng proseso ng contact tracing, ngunit sumasailalim ngayon sa pre-charge investigation ang kaniyang biyahe mula Maynila hanggang Baguio at papatawan ng kaukulang disciplinary action kung mapapatunayang may nilabag siya sa protocol.

 

“The PNP does not tolerate any disregard for rules and procedures from its personnel. He will face the consequences of his actions, but the focus right now is on his healing and bringing him back to good health,” ani Co.

 

Dagdag niya, hindi maaaring umalis ang mga pulis na nakadestino sa mga lugar sa Metro Manila na mataas ang kontaminasyon ng COVID-19.

 

Naunang ipinaalam ni Baguio City Mayor Benjamin Magalong ang kondisyon ni Roxas noong 12 Mayo sa kanilang management committee meeting.

 

Agad inilagay sa strict quarantine ng alkalde ang barangay kung saan nanatili si Roxas upang matukoy ng epidemiology team ng lungsod kung may nahawa dito.

About hataw tabloid

Leave a Reply

Your email address will not be published. Required fields are marked *

*

Scroll To Top