Friday , March 29 2024
Sipat Mat Vicencio

Purga

NGAYONG darating na Marso 29, ipagdiriwang ng mga pulang mandirigma ang ika-51 anibersaryo ng pagkakatatag ng New People’s Army o NPA.  Ang NPA ay ang brasong militar ng Communist Party of the Philippines na pinamumunuan ni Jose Maria Sison.

Si Joma, ang milyonaryong hukluban na nagtatago sa The Netherlands, ang siyang nagpapatakbo ng armadong rebolusyon sa Pilipinas sa mahabang panahon sa pamamagitan ng remote control.

Gamit ang NPA, maraming dugong inutang si Joma sa pamamagitan ng pagdukot, pagpatay, at pagtortyur sa mga ‘kasama’ kabilang na ang mga kabataang-estudyante o “tibak” na kumilos at sumapi sa kilusang lihim noong dekada 80.

Dahil sa mahinang pamumuno ni Joma, lumaganap ang intriga sa loob ng kilusan na nagdulot ng mga pagdududa sa bawat kasapian kung kaya’t ipinatupad ang Kampanyang Ahos, Oplan Missing Link, at iba pang paraan para purgahin o linisin ang ‘kilusan’ sa tinatawag na mga ahente o DPA.

Naging biktima rin ng kahibangan ni Joma ang ‘unit’ namin. Maraming inosenteng mga kasama ang naging biktima ni Joma, at mismong ang dati kong political officer na si Benny ‘Troy’ Clutario ay dinukot ng NPA at pinahirapan dahil sa mga maling bintang.

Mahaba ang listahan ng kasalanan ni Joma sa mga kasamang nagpakasakit at lumaban sa diktadura noong panahon ni Marcos. At mismong grupo namin ay hindi nakaligtas sa kahibangang ito ng komunismo.

At hayaan ninyong ialay ko ang tulang ito kina Boyet Caparas, Nida Mendoza, Gloria Galuno, Jojo Dass, Ruben Manahan III, at Joey Caburnida, mga lumaban sa panahon ng ligalig at dahas… tunay na mga kasama at naglimbag ng Kalatas Paggawa, ang pahayagang manggagawa.

 

PUSO AT ISIP

Sa puso…

naroroon ang rosas, ang luha at ang pagmamahal.

Sa isip…

naroroon ang katanungan

kung bakit may rosas, bakit may luha at bakit may pagmamahal.

Dalawang bagay na nagtatagisan sa katauhan bawat nilalang –

mga nilalang na matagal nang nagpapakasakit

sa loob ng mundong pinaniniwalaan at ginagalawan.

Ngunit ang kawastuhan ba’y

nakasalig sa isip na lamang?

At ang puso ba’y

walang puwang na maging bahagi ng katubusan?

Sa pakikibaka, samahan ng puso

at makatitiyak ng maagang tagumpay!

SIPAT
ni Mat Vicencio

About Mat Vicencio

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *