Tuesday , March 19 2024

Pulis-Malabon nabiktima ng ‘basag kotse gang’

NABIKTIMA ng dala­wang hinihinalang miyem­bro ng “Basag Kotse Gang” ang isang pulis matapos matangay ang inisyung baril sa kanya na iniwan sa loob ng saksakyan sa Malabon City, kama­kalawa ng gabi.

Sa pinagsamang ulat nina P/SSgt. Jose Romeo Germinal at Ernie Baroy kay Malabon Police chief P/Col. Jessie Tamayao, dakong 10:00 pm nang maganap ang insidente sa kahabaan ng Gov. Pascual Ave., kanto ng Sitio Gulayan, Barangay Catmon.

Nagtungo umano sa Sitio Gulayan si P/SMSgt. Rugene Paule, 43, at P/Cpl. Kirshner Buendia, kapwa naka­talaga sa Station Intel­ligence Branch (SIB), kasama ang kanilang impormante na si Ariston Arceo, sakay ng isang Mitsubushi L300 (XDE312) para magsilbi ng warrant of arrest laban sa mga wanted person sa lugar.

Inilagay ni Paule ang inisyung baril sa driver’s passenger seat ng kanilang sasakyan saka nagtungo sa bahay ng kanilang target habang naiwan mag-isa sa sasakyan ang impor­mante para bantayan ang mga gamit.

Gayonman, dahil nakaramdam ng pana­nakit ng tiyan, umalis ang impormante at iniwan nang walang tao ang sasakyan.

Nang bumalik ng kanilang sasakyan si Paule, natuklasan niyang basag na ang bintana sa driver’s side at nawawala na rin ang kanyang HK 416 Assault Rifle cal. 5.56 at sling bag ng impor­mante na naglalaman ng wallet, P2,000, driver’s license at SSS ID.

Inireport ng mga biktima ang insidente sa pulisya na nagsasagawa ng follow-up inves­tiga­tion sa posibleng pagka­kilanlan at pagkakaaresto ng mga suspek.

(ROMMEL SALES)

About Rommel Sales

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *