Thursday , April 9 2020
Breaking News
You are here: Home / News / 9 arestado sa ilegal na pangingisda sa Albay
9 arestado sa ilegal na pangingisda sa Albay

9 arestado sa ilegal na pangingisda sa Albay

NADAKIP ang siyam na mangingisda dahil sa paggamit ng ‘homemade explosives’ habang nama­malakaya sa dagat ng bayan ng Pio Duran, sa lalawigan ng Albay noong Miyerkoles ng umaga, 19 Pebrero.

Ayon kay P/Capt. Dexter Panganiban, taga­pagsalita ng Albay police,  inaresto ang mga suspek na kinilalang sina Gilbert Guerra, Jomar Dela Rosa, Robert Labrusto, Jonel Labrusto, Andy Paul Labrusto, Anthony Cañete, Ivan Barill, Angel Gidoc, at Edgar Balanbang, pawang residente sa lalawigan ng Sorsogon.

Nakompiska din ng mga operatiba ng Task Force Bantay Dagat (anti-illegal fishing) ang 14 banyera ng “lopoy” (Sardinilla) na ilegal nilang nakuha at nagka­kahalaga ng halos P14,500.

Naharang ng task force ang maliit na bangkang pangisda at mga kontra­bando nang dumaong sa pier dakong 7:45 am.

Kasalukuyang naka-impound ang bangka habang haharap sa kasong illegal fishing with the use of explosives ang mga mangi­ngisda.

About hataw tabloid

Leave a Reply

Your email address will not be published. Required fields are marked *

*

Scroll To Top