Thursday , April 9 2020
Breaking News
You are here: Home / News / ‘Pastillas’ sa Immigration ipinabubusisi ng Pangulo
‘Pastillas’ sa Immigration ipinabubusisi ng Pangulo

‘Pastillas’ sa Immigration ipinabubusisi ng Pangulo

IPINASISIYASAT ni Pangu­long Rodrigo Duterte sa National Bureau of Investigation (NBI) ang nabulgar na ‘pastillas’ sa Bureau of Immigration (BI).

Sa panayam kagabi kay Sen. Christopher “Bing” Go, sinabi niya na ipakakain ni Pangulong Duterte sa Immigration personnel o opisyal ang perang nakaba­lot sa pastillas wrapper kapag napatunayang sangkot sa katiwalian at nagpapapasok ng mga illegal Philippine offshore gaming operator (POGO) workers sa bansa.

Sa nasabing anomalya, nagbabayad umano ang POGO workers na nag­pa­panggap na Chinese tourists ng hanggang P10,000 sa Immigration personnel at nabibigyan pa ng “red carpet welcome” pagdating sa bansa.

Sinabi ni Go, nakausap na rin niya si Immigration Deputy Commissioner Tobias Javier at nagsabing iimbestigahan ang nasabing anomalya.

Tiniyak ni Go, hindi palalampasin ni Pangulong Duterte kung mapapa­tuna­yang totoo ang nasabing anomalya at pananagutin ang sangkot na taga-Immigration.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top