Friday , April 10 2020
Breaking News
You are here: Home / News / Truck driver hinataw ng tire wrench sa ulo
Truck driver hinataw ng tire wrench sa ulo

Truck driver hinataw ng tire wrench sa ulo

MALUBHANG nasugatan ang isang truck driver makaraang paghahatawin ng tire wrench ng isang kabaro nang magkainitan sa Valenzuela City, kamakalawa ng hapon.

Patuloy na ginagamot sa Valenzuela Medical Center (VMC) ang biktimang kinilalang si Teoro Padayhag, 46 anyos, ng Kalayaan, Kings Point, Bagbag, Quezon City, sanhi ng matinding tama ng palo sa ulo.

Nahaharap sa kasong attempted homicide ang suspek na si Alexander Malagamba, 25 anyos, residente sa Purok 3 Macabling, Sta. Rosa, Laguna.

Lumabas sa imbestigasyon ng pulisya, dakong 1:40 pm, kapwa nakaparada ang minamanehong truck ng biktimang si Padayhag at ng suspek na si Malagamba sa Emergency Parking ng NLEX Westbound, Mindanao Avenue, Brgy. Ugong, sa nasabing lungsod.

Bumaba sa minamanehong truck ang biktima at kinompronta ang suspek hinggil sa side mirror ng kanyang truck na nasagi ni Malagamba, na naging dahilan ng kanilang pagtatalo.

Sa kainitan ng pagtatalo, kumuha ng tire wrench ang suspek at hinataw sa ulo ang biktima kaya mabilis na tumakbo ngunit hinabol pa rin ni Mala­gamba.

Nang abutan ay muli na namang pinalo ng tire wrench ngunit biglang dumating ang mobile roadway security ng NLEX sa naturang lugar at inaresto ang suspek saka inendoso sa security guard bago binitbit sa himpilan ng pulisya.

 (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top