Friday , April 10 2020
Breaking News
You are here: Home / News / 6 tulak, arestado sa P442K droga
6 tulak, arestado sa P442K droga

6 tulak, arestado sa P442K droga

ARESTADO ang anim na sinabing notoryus na tulak ng ilegal na droga matapos makuhaan ng P442,000 halaga ng shabu sa ikinasang buy bust operation ng mga pulis sa Navotas City.

Kinilala ni Navotas Police chief P/Col. Rolando Balasabas ang mga naarestong sus­pek na sina Bernard Ma­sang­ya, 30 anyos, John Arem Alinea, 38 anyos, Ronald Alinea, 48, Rady Pedragorda, 41, Roberto Rosal, 50, at Fred Gregory, 47 anyos, kap­wa residente sa Brgy. North Bay Boulevard North ng nasabing lung­sod.

Batay sa ulat ni Col. Balasabas kay Northern Police District (NPD) Director PBGEN Ronaldo Ylagan, dakong 1:00 am nang ikasa ng mga operatiba ng Station Drug Enforcement Unit (SDEU) sa pangunguna ni P/Lt.  Charlie Bontigao ang buy bust operation laban sa mga suspek sa Dapa St., Brgy. NBBS.

Nagawang makipag­transaksiyon ng isang pulis na nagpanggap na poseur buyer sa mga suspek ng isang plastic sachet ng shabu na nagkakahaga sa P1,500.

Matapos ang tran­saksiyon, agad nagbigay ng signal ang pulis sa kanyang mga kabaro kaya’t mabilis na sumugod ang mga operatibang back-up saka sinunggaban ang mga suspek.

Ayon kay SDEU investigator P/Cpl. Florencio Nalus, nakom­piska sa mga suspek ang isang medium plastic sachet at 14 plastic sachets na naglalaman ng 65 gramo ng shabu na nasa P442,000 ang halaga, buy bust money at P500 bill. (R. SALES)

About Rommel Sales

Leave a Reply

Your email address will not be published. Required fields are marked *

*

Scroll To Top