Monday , February 17 2020
Breaking News
You are here: Home / Showbiz / ‘D Ninang ni Ai Ai Delas Alas dapat panoorin ng moviegoers
‘D Ninang ni Ai Ai Delas Alas  dapat panoorin ng moviegoers

‘D Ninang ni Ai Ai Delas Alas dapat panoorin ng moviegoers

Siguradong 101% ay paghihinayangan ninyo kapag hindi ninyo napanood ang ‘D Ninang na pinagbibidahan nina Ai Ai delas Alas at Kisses Delavin na showing na in Cinemas nationwide starting Jan 22.

Yes, as expected ay dinumog ng fans ang red carpet premiere ng pelikulang pinagbibidahan ni Box Office Comedy Queen (Ms. Ai) sa Cinema 7 ng SM Megamall. At walang halong exaggeration, itinodo na ni Ai Ai ang husay at galing niya sa latest movie niyang ito na gumaganap siya bilang Ditas, Reyna ng Snatcher, pero may puso sa kapwa.

Yes, female version siya ni Robin Hood dito. Iikot ang ku­wento nang matagpuan ni Ms Ai ang kanyang anak na si Mikhai (Kisses Delavin) sa lamay ng ex niyang pulis na may mata­as na ka­tung­kulan. At porke mata­gal na nawa­lay ay mala­yo ang loob ni Mikhai kay Ditas pero napa­tawad din naman pero nang malaman ang raket ay lumayo uli ang loob at kinamuhian ang ina, kahit ang rason ng huling raket ni Ditas sa pangho-hold up sa isang pawnshop ay para sa operasyon niya (Mikhai) sa puso.

Mala Miracle: In Cell No.7 ang ending ng ‘D Ninang na si Mikhai ang siyang nagtanggol kay Ditas kaya napalaya siya after magdusa sa kulungan nang walong taon.

Pawang mahuhusay ang artistang bahagi ng pelikula at saludo kami sa galing dito ng bagong Regal Babies na si Angel Guardian bilang si Sol na prinsesa ng snatcher na naki­pagsabayan sa husay ng kanyang Mama Ai Ai.

Agaw eksena rin ang character ni Kiray Celis na kikay sa buong movie. At ‘yung lalaking pupunta sa kanyang liligawan na hinoldap ni Ditas at ibinigay lahat ang kanyang gamit habang tumutugtog ang background music na “Kunin Mo Na Ang Lahat Sa Akin.”

Siyempre given na ang husay sa pagganap ni Lou Veloso na pinama­katandang snatcher na lasenggo. Contravida naman sa pelikula si Joey “Tsong” Marquez at may enkuwentro sila rito ni Ditas. Dito nakita ang galing ni Ms Ai sa action scenes.

Bukod sa drama at comedy ay mapapanood rin ang kilig-kiligan moments nina Kisses at McCoy de Leon at nakatatawang panliligaw ni Kelvin Miranda kay Angel na madalas sopla sa dalaga.

Kaya huwag kalilimutang panoorin ang Ninang for All o Tanging Ninang na si Ms. Ai at siguradong uuwi kayong nakangiti sa ganda at sobrang entertaining na movie ng Regal Multimedia Incorporated.

VONGGANG CHIKA!
ni Peter Ledesma

 

About Peter Ledesma

Leave a Reply

Your email address will not be published. Required fields are marked *

*

Scroll To Top